- 1
- A ko nga wahi enei i riro mai i nga tamariki a Iharaira i te whenua o Kanaana, i tukua mai nei e Ereatara tohunga, ratou ko Hohua tama a Nunu, ko nga upoko o nga matua o nga iwi o nga tamariki a Iharaira mo ratou.
- 2
- He mea whakarite na te rota o ratou wahi, (he pera ano me ta Ihowa whakahaunga i whakapuakina mai e Mohi,) ara, o nga iwi e iwa, me tetahi taanga o tetahi iwi.
- 3
- Kua hoatu hoki e Mohi he wahi mo nga iwi e rua, me tetahi taanga o tetahi iwi i tera taha o Horano: kahore hoki ana wahi i hoatu ai ki nga Riwaiti i roto i a ratou.
- 4
- E rua nei hoki nga iwi o nga tamariki a Hohepa, ko Manahe raua ko Eperaima: koia tē hoatu ai e ratou tetahi wahi o te whenua mo nga Riwaiti, heoi ano ko nga pa hei nohoanga, me nga wahi o waho, a, tawhio noa, mo a ratou kararehe me a ratou mea.
- 5
- Rite tonu ki ta Ihowa i whakahau ai ki a Mohi ta nga tamariki a Iharaira i mea ai, a wehea ana te whenua e ratou.
- 6
- Na, ka whakatata mai nga tamariki a Hura ki a Hohua i Kirikara; a ka mea a Karepe tama a Iepune Keniti ki a ia, E mohio ana koe ki te kupu i korerotia e Ihowa ki a Mohi ki te tangata a te Atua moku, mou hoki, ki Karehe-parenea.
- 7
- E wha tekau oku tau i te tononga a Mohi a te pononga a Ihowa i a au i Karehe-parenea ki te tutei i te whenua, a whakahokia mai ana e ahau he korero ki a ia, nga mea hoki o roto o toku ngakau.
- 8
- A ko aku teina i haere tahi nei matou ki runga, na, ngohe ana i a ratou nga ngakau o te iwi: ko au ia, i tino whai ahau i a Ihowa i toku Atua.
- 9
- Na, ko te oatitanga mai a Mohi i taua ra, i mea ia, Taua whenua i takahia na e ou waewae, ina, mou, hei kāinga tupu, mo o tamariki, ake ake; mou i tino whai i a Ihowa i toku Atua.
- 10
- Na, kua whakaora tenei a Ihowa i a au, kua pera ano me tana i korero ai; ka wha tekau ma rima enei tau, o te korerotanga a Ihowa i tenei kupu ki a Mohi, i nga tamariki a Iharaira e haereere ana i te koraha: na, inaianei, ka waru tekau ma rima enei tau oku.
- 11
- E kaha ana ano ahau inaianei, e pera tonu ana me ahau i te ra i tonoa ai ahau e Mohi: ko toku kaha i reira toku kaha ano inaianei mo te whawhai, mo te haere atu, mo te haere mai.
- 12
- Na, homai ra ki a au tenei maunga, ta Ihowa hoki i korero ai i taua ra; i rongo ra hoki koe i taua ra kei reira nga Anakimi, a e nui ana nga pa, e whai taiepa ana; tera pea e tata mai a Ihowa ki a au, a ka peia ratou e ahau, ka peratia ano me ta Ihowa i korero ai.
- 13
- Katahi ka manaakitia ia e Hohua, a homai ana e ia a Heperona ki a Karepe tama a Iepune hei kāinga tupu.
- 14
- Koia i waiho ai a Heperona hei kāinga tupu mo Karepe tama a Iepune a te Keniti, a mohoa noa nei, mona i tino whai i a Ihowa i te Atua o Iharaira.
- 15
- A ko Kiriata-arapa te ingoa o Heperona i mua; he tangata nui ano a Arapa i roto i nga Anakimi. Heoi takoto kau ana te whenua i te whawhai.
Address: 
Phone: 
Email: