- 1
- Na, to te rota o te iwi o nga tamariki a Hura, o tenei hapu o tenei hapu o ratou; i tae atu ki te rohe ki a Eroma, ki te koraha o Tini ki te taha ki te tonga te pito whakamutunga o te rohe whaka-te-tonga.
- 2
- Kei te taha o te Moana tote to ratou rohe ki te taha ki te tonga, kei te matamata e anga ana whaka-te-tonga:
- 3
- Na, ka haere ki te taha ki te tonga, a, Maare-akarapimi, na, ka whiti, kei Tini; na, haere whakarunga i te taha ki te tonga, a, Karehe-parenea, na, haere tonu, kei Heterono, ka anga ki runga, a, Arara, na, ka whawhe, kei Karakaa:
- 4
- Haere tonu whaka-Atamono, a puta atu ki te awa o Ihipa; na, nga pakarutanga atu o tena rohe, kei te moana: ko te rohe tenei ki a koutou ki te taha ki te tonga.
- 5
- Ko te Moana tote te rohe ki te rawhiti, tae noa ki te kongutuawa o Horano. A, te rohe i te taha ki te nota, kei te matamata o te moana i te kongutuawa o Horano:
- 6
- A ka haere te rohe ki runga ki Pete-hokora, a haere tonu i te taha ki te nota o Pete-arapa; na ka haere te rohe ki runga ki te kohatu o Pohana tama a Reupena:
- 7
- Na, ka haere te rohe ki runga, whaka-Repiri i Raorao Akoro, a anga atu whaka-te-nota ki te ritenga o Kirikara, o te wahi i mua mai o te haerenga ki runga ki Arumine, ki tera i te taha ki te tonga o te awa: a i haere tonu te rohe whaka-nga-wai o Ene-hemehe, a pakaru atu ki Enerokere:
- 8
- A i haere whakarunga te rohe ra te raorao o te tama a Hinomo ki te taha ki te tonga o to te Iepuhi, ara, o Hiruharama: a i haere tonu te rohe ki te tihi o te maunga e tu ana i mua o Raorao Hinomo whaka-te-hauauru, ki tera i te pito o Raorao Repaima i te taha ki te nota:
- 9
- A i whakatakotoria atu te rohe i te tihi o te maunga ki te puna wai o Nepetoa, a puta atu ki nga pa o Maunga Eperona; a i whakatakotoria atu te rohe ki Paara, ara, ki Kiriata-tearimi:
- 10
- Na, ka whawhe atu te rohe i Paara ki te taha ki te hauauru whaka-Maunga-Heira, a haere tonu atu ki te taha o Maunga Tearimi, ara, o Keharono, ki te taha ki te nota, a haere atu ki raro ki Pete-hemete, a haere tonu atu ki Timina:
- 11
- A puta tonu atu te rohe ki te taha o Ekerono, ki te taha ki te nota: a i whakatakotoria atu te rohe ki Hikirono, a haere tonu atu ki Maunga Paara, a puta tonu atu ki Iapaneere: a pakaru rawa atu te rohe kei te moana.
- 12
- Te rohe ki te taha ki te hauauru kei te moana nui me tona pareparenga. Ko te rohe tenei ki nga tamariki a Hura, a, tawhio noa, ki tenei hapu ki tenei hapu o ratou.
- 13
- A i hoatu e ia he wahi ki a Karepe tama a Iepune i roto i nga tamariki a Hura, he mea ki mai hoki na Ihowa ki a Hohua, te pa o Arapa o te papa o Anaka, a Heperona hoki.
- 14
- Na ka peia e Karepe i reira nga tama tokotoru a Anaka, a Hehai, a Ahimana, a Taramai, nga tamariki a Anaka.
- 15
- Na, ka haere ia i reira ki runga ki nga tangata o Repiri: a ko te ingoa o Repiri i mua ko Kiriata-hepere.
- 16
- Na, ko te meatanga a Karepe, Ko te tangata e patua ai a Kiriata-hepere, a ka horo ano a reira i a ia, ka hoatu e ahau a Ahaka taku tamahine hei wahine mana.
- 17
- Na, ka horo i a Otoniere tama a Kenaha teina o Karepe; a hoatu ana e ia tana tamahine a Akaha hei wahine mana.
- 18
- A i a ia e haere atu ana ki a ia, ka whakakiia e ia te tane kia tonoa he mara i tona papa: a ka marere ki raro i te kaihe; na ka mea mai a Karepe ki a ia, He aha tau?
- 19
- Na ka mea atu ia, Homai he manaakitanga ki a au; kei te tonga hoki te whenua i homai e koe ki a au; homai ano hoki etahi puna wai ki a au. Na hoatu ana e ia ki a ia nga puna o runga me nga puna o raro.
- 20
- Ko te wahi tupu tenei o te iwi o nga tamariki a Hura o tenei hapu o tenei hapu o ratou.
- 21
- A ko nga pa whakamutunga o te iwi o nga tamariki a Hura, ki te taha ki Eroma whaka-te-tonga ko Kapateere, ko Erere, ko Iakuru,
- 22
- Ko Kinaha, ko Rimona, ko Arara,
- 23
- Ko Kerehe, ko Hatoro, ko Itinana,
- 24
- Ko Tiwhi, ko Tereme, ko Pearoto,
- 25
- Ko Hatoro, ko Harata, ko Kerioto, ko Heterono, ara, ko Hatoro,
- 26
- Ko Amama, ko Hema, ko Morara,
- 27
- Ko Hatara-kara, ko Hehemono, ko Pete-parete,
- 28
- Ko Hatara-huara, ko Peerehepa, ko Pitiotia,
- 29
- Ko Paara, ko Iimi, ko Ateme,
- 30
- Ko Eretorara, ko Kehiri, ko Horema,
- 31
- Ko Tikiraka, ko Maramana, ko Hanahana,
- 32
- Ko Repaoto, ko Hirihimi, ko Aina, ko Rimono: e rua tekau ma iwa nga pa katoa me nga kāinga koraha o aua pa:
- 33
- O te mānia, ko Ehetaoro, ko Torea, ko Ahana,
- 34
- Ko Tanoa, ko Ene-kanimi, ko Tapua, ko Enama,
- 35
- Ko Iaramuta, ko Aturama, ko Hokoho, ko Ateka,
- 36
- Ko Haraimi, ko Aritaimi, ko Kerera, ko Kererotaimi; kotahi tekau ma wha nga pa me nga kāinga koraha o aua pa:
- 37
- Ko Tenana, ko Haraha, ko Mikirara-kara,
- 38
- Ko Rireana, ko Mitipe, ko Iokoteere,
- 39
- Ko Rakihi, ko Pohokata, ko Ekerona,
- 40
- Ko Kapono, ko Rahamama, ko Kitirihi,
- 41
- Ko Kereroto, ko Pete-rakono, ko Naama, ko Makera; kotahi tekau ma ono nga pa me nga kāinga koraha o aua pa:
- 42
- Ko Ripina, ko Etere, ko Ahana,
- 43
- Ko Ipita, ko Ahana, ko Netipi,
- 44
- Ko Keira, ko Akatipi, ko Mareha; e iwa nga pa, me nga kāinga koraha o aua pa:
- 45
- Ko Ekerono me ona pa ririki, me ona kāinga koraha:
- 46
- Nga pa katoa e tata ana ki Aharoro o Ekerono atu, a tae noa ki te moana, me nga kāinga koraha ano hoki o reira.
- 47
- A Aharoro me ona pa ririki, me ona kāinga koraha, a Kaha me ona pa ririki, me ona kāinga koraha, tae noa ki te awa o Ihipa, ki te moana nui ano hoki, me tona pareparenga:
- 48
- A o nga maunga, ko Hamiri, ko Iatiri, ko Hokoho,
- 49
- Ko Ranaha, ko Kiriata-hana, ko Repiri,
- 50
- Ko Anapa, ko Ehetemo, ko Animi,
- 51
- Ko Kohena, ko Horono, ko Kiroho; kotahi tekau ma tahi nga pa, me nga kāinga koraha o aua pa:
- 52
- Ko Arapa, ko Rumaha, ko Eheana,
- 53
- Ko Ianumu, ko Pete-tapua, ko Apeka,
- 54
- Ko Humuta, ko Kiriata-arapa, ara, ko Heperona, ko Tioro; e iwa nga pa, me nga kāinga koraha o aua pa:
- 55
- Ko Maono, ko Karamere, ko Tiwhi, ko Iutaha,
- 56
- Ko Ietereere, ko Iokoreama, ko Tanoa,
- 57
- Ko Kaini, ko Kipea, ko Timina; kotahi tekau nga pa me nga kāinga koraha o aua pa:
- 58
- Ko Harahuru, ko Pete-turu, ko Keroro,
- 59
- Ko Maarata, ko Pete-anoto, ko Eretekono; e ono nga pa, me nga kāinga koraha o aua pa:
- 60
- Ko Kiriata-paara, ara, ko Kiriata-tearimi, ko Rapa; e rua nga pa, me nga kāinga koraha o aua pa:
- 61
- O te koraha, ko Pete-arapa, ko Mirini, ko Hekaka,
- 62
- Ko Nipihana, me te pa Tote, me Ene-keri; e ono nga pa, me nga kāinga koraha o aua pa:
- 63
- Ko nga Iepuhi ia, ko nga tangata o Hiruharama, kihai ratou i taea te pei e nga tamariki a Hura: heoi noho tahi ana nga Iepuhi me nga tamariki a Hura ki Hiruharama, a taea noatia tenei ra.
Address: 
Phone: 
Email: