- 1
- Aue te mate mo te pa toto! kua ki katoa i te teka, i te pahua, kahore he mutunga o te muru taonga,
- 2
- O te haruru o te whiu, o te haruru o nga wira e ngateri ana, o nga hoiho e takatakahi ana, o nga hariata e mokowhitiwhiti ana.
- 3
- E hapainga ake ana e te kai eke hoiho te hoari, tona rite kei te mura, te tao kanapa ano hoki, he tini ano hoki te hunga ka tukitukia, maha noa iho nga tupapaku, kahore hoki he mutunga o nga tinana, tūtuki ana te waewae ki o ratou tinana.
- 4
- He mea na te maha o nga puremutanga a te wahine ataahua i puremu nei, a te rangatira o nga makutu, e hoko nei i nga iwi ki ana puremutanga, i nga hapu ano hoki ki ana mahi makutu.
- 5
- Nana, hei hoa riri tenei ahau mou, e ai ta Ihowa o nga mano, ka hurahia ano e ahau nga remu o tou ki to aroaro, ka whakakite ano ahau i a koe e noho tahanga ana ki nga iwi, me tou whakama ano hoki ki nga kingitanga.
- 6
- Ka makā atu ano e ahau nga mea whakarihariha ki runga ki a koe, ka whakaititia koe e ahau, ka meinga ano koe e ahau hei tirohanga atu.
- 7
- Te hunga katoa ano hoki e kite ana i a koe ka rere atu i a koe, a ka mea, Kua ururuatia a Ninewe; ko wai hei tangi ki a ia? me rapu e ahau he kai whakamarie mou ki hea?
- 8
- He pai ake ranei koe i No, i te wahi i nui nei nga tangata, i tu nei i roto i nga awa, he mea karapoti e te wai, tona pekerangi ko te moana, no te moana ano hoki tona taiepa?
- 9
- Tona kaha ko Etiopia, ko Ihipa, kahore hoki he mutunga; he awhina nou a Putu, a Rupimi.
- 10
- Heoi kua whakaraua atu ia, kua riro ia hei pārau, ana kohungahunga ano hoki taia iho i te ahunga mai o nga huarahi katoa: i kokiritia ano hoki te niu e ratou mo ona tangata nui, ona tangata rarahi katoa here rawa ki nga mekameka.
- 11
- Tera ano hoki koe ka haurangi: ka ngaro atu ano koe, ka rapu kaha ano koe i te wehi i te hoa riri.
- 12
- O pa taiepa katoa ka rite ki te piki he hua matamua nei ona: ki te whakaoioia, ka taka ki roto ki te mangai o te tangata e kai ana.
- 13
- Nana, he wahine o tangata i waenganui i a koe: ka whakatuwheratia nga kuwaha o to whenua ki o hoa riri: ka pau o tutaki i te ahi.
- 14
- Utuhia he wai mou mo te whakapaenga, whakakahangia o pa taiepa: haere ki te mahi paru, takatakahia te mea pokepoke, kia u te tahunga pereki.
- 15
- Ka pau koe i te ahi i reira, ka hatepea atu koe e te hoari, tana kai i a koe ka rite ki ta te tatarakihi; whakaraneatia koe, kia rite ki te tatarakihi, whakaraneatia koe, kia rite ki te mawhitiwhiti.
- 16
- O kai hokohoko whakatokomahatia ake e koe i nga whetu o te rangi: ta te tatarakihi he pahua, a rere ana.
- 17
- O tangata i te potae kingi, to ratou rite kei te mawhitiwhiti, o rangatira rite tonu ki nga mawhitiwhiti e noho nei i nga taiepa i te rangi maeke, te whitinga o te ra ka rere atu ratou, kahore hoki e mohiotia te wahi e nohoia ana e ratou.
- 18
- Kei te moe o hepara, e te kingi o Ahiria, te kāinga mo o metararahi kei te puehu, kua marara atu to iwi ki runga ki nga maunga, kahore hoki he kai huihui.
- 19
- Kahore he mahunga o to pakaru, mamae rawa to marutanga: te hunga katoa e rongo ana i te rongo ki a koe, ka papaki o ratou ringaringa ki a koe: i kore hoki ki a wai te pānga tonutanga atu o to kino?
Address: 
Phone: 
Email: