- 1
- Na, ka noho a Iharaira ki Hitimi, a ka anga te iwi ka puremu ki nga tamahine a Moapa.
- 2
- A na ratou i karanga te iwi ki nga patunga tapu ma o ratou atua: na, kai ana te iwi, a koropiko ana ki o ratou atua.
- 3
- Na, ka whakaukia a Iharaira ki a Paara-peoro, a ka mura te riri a Ihowa ki a Iharaira.
- 4
- Na, ka mea a Ihowa ki a Mohi, Tangohia nga ariki katoa o te iwi, taronatia atu hoki ki te aroaro o Ihowa i te ritenga atu o te ra, a ka tahuri atu i a Iharaira te riri a Ihowa e mura nei.
- 5
- Na, ka mea a Mohi ki nga kai whakarite whakawa o Iharaira, Patua e tenei e tenei o koutou ona tangata i whakaukia ki a Paara-peoro.
- 6
- Na, ko te putanga mai o tetahi tangata o nga tamariki a Iharaira, me te kawe mai ano i tetahi wahine Miriani ki ona teina i te tirohanga a Mohi, i te tirohanga ano hoki a te whakaminenga katoa o nga tamariki a Iharaira, a i te tangi ano ratou i te whatitoka o te tapenakara o te whakaminenga.
- 7
- A, te kitenga o Pinehaha tama a Ereatara, a te tama a Arona tohunga, na, ko tona whakatikanga ake i roto i te whakaminenga, te hopukanga atu hoki i te tao ki tona ringa;
- 8
- Na, ka haere atu ia i muri i te tangata o Iharaira ki te teneti, a werohia atu ana raua tokorua, te tangata o Iharaira me te wahine hoki i tona tia. A mutu iho te whiu o nga tamariki a Iharaira.
- 9
- A e rua tekau ma wha mano te hunga i mate i te whiu.
- 10
- Na, ka korero a Ihowa ki a Mohi, ka mea,
- 11
- Na Pinehaha, na te tama a Ereatara, a te tama a Arona tohunga, toku riri i whakatahuri atu i nga tamariki a Iharaira, i te hae i whakapuke ra i roto i a ia, he mea hoki mo tana whakaaro i roto i a ratou ki a au, i kore ai nga tamariki a Iharaira e poto i a au, i a au e hae ana.
- 12
- Mo reira me ki atu e koe, Nana, ka hoatu e ahau ki a ia taku kawenata mo te rangimarie:
- 13
- A ka mau ki a ia, ki ona uri hoki i muri i a ia, hei kawenata kia mau tonu te mahi tohunga; mona i hae, he whakaaro ki tona Atua, i mea whakamarietanga ano hoki mo nga tamariki a Iharaira.
- 14
- A te ingoa o te tangata o Iharaira i patua, o tera hoki i patua tahitia me te wahine Miriani, ko Timiri tama a Haru, he rangatira no tetahi whare kaumatua i roto i nga Himeoni.
- 15
- A te ingoa o te wahine Miriani i patua nei ko Kohopi, he tamahine na Turu; he rangatira ia no tetahi iwi; no tetahi whare kaumatua o Miriana hoki ia.
- 16
- Na, ka korero a Ihowa ki a Mohi, ka mea,
- 17
- Whakataria he pakanga ki nga Miriani, patua hoki ratou:
- 18
- Mo ratou hoki i whakatupu-kino nei i a koutou ki a ratou mahi tinihanga, i tinihanga na ratou i a koutou i te meatanga ki a Peoro, i te meatanga ano hoki a Kohopi tamahine a tetahi rangatira o Miriana; he tuahine hoki ia no ratou, i patua na hoki i te ra o te whiunga mo te meatanga ki a Peoro.
Address: 
Phone: 
Email: