- 1
- A i te ra i oti ai i a Mohi te whakaara te tapenakara, a ka oti i a ia te whakawahi, te whakatapu taua mea, me ona mea katoa, te aata, me ona oko katoa, a ka oti te whakawahi, te whakatapu:
- 2
- Na, ka mea whakahere nga ariki o Iharaira, nga upoko o nga whare o o ratou mātua, ara, nga ariki o nga iwi, i a ratou hoki nga tikanga o te hunga kua oti nei te tatau:
- 3
- A ka kawea mai e ratou to ratou whakahere ki te aroaro o Ihowa, e ono nga kaata whai taupoki, kotahi tekau ma rua nga kau; tokorua nga ariki kotahi ano te kaata, kotahi ano hoki te puru a tetahi a tetahi: a kawea mai ana e ratou ki te aronga o te tapenakara.
- 4
- A i korero a Ihowa ki a Mohi, i mea,
- 5
- Tangohia ta ratou, kia ai hei mea mo te mahi o te tapenakara o te whakaminenga; a me hoatu e koe ki nga Riwaiti, kia rite ki te mahi a tenei a tenei.
- 6
- Na, tangohia ana e Mohi nga kaata me nga kau, a hoatu ana e ia ki nga Riwaiti:
- 7
- E rua nga kaata, e wha hoki nga kau i hoatu e ia ki nga tama a Kerehona, he mea whakarite ki ta ratou mahi.
- 8
- E wha hoki nga kaata e waru hoki nga kau i hoatu e ia ki nga tama a Merari, he mea whakarite ki to ratou mahi, ki raro iho ano i te ringa o Itamara tama a te tohunga a Arona.
- 9
- Ki nga tama ia a Kohata, kihai i hoatu e ia: no te mea ko te mahi o te wahi tapu ma ratou ko te kauhoa i runga i o ratou pokohiwi.
- 10
- A i mea whakahere ano nga ariki hei tainga kawa mo te aata i te ra i whakawahia ai, i whakahere nga ariki i a ratou whakahere ki mua i te aata.
- 11
- Na, ka mea a Ihowa ki a Mohi, Me ra ano ma tenei ariki, me ra ano ma tenei ariki, ina whakahere ratou i a ratou whakahere hei tainga kawa mo te aata.
- 12
- Na, ko te tangata nana tana whakahere i whakahere i te ra tuatahi, ko Nahahona tama a Aminarapa, no te iwi o Hura:
- 13
- A ko tana whakahere kotahi rihi hiriwa, kotahi rau e toru tekau hekere tona taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 14
- Kotahi koko koura, tekau ona hekere, ki tonu i te whakakakara:
- 15
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 16
- Kotahi kuao koati hei whakahere hara:
- 17
- E rua hoki nga puru hei patunga whakamarietanga, e rima hipi toa, e rima koati toa, e rima reme kotahi nei o ratou tau: ko te whakahere tenei a Nahahona tama a Aminarapa.
- 18
- I te ra tuarua na Netaneere te whakahere; he tama ia na Tuara, he ariki no Ihakara:
- 19
- Ko tana whakahere i whakahere ai ia, kotahi rihi hiriwa, kotahi rau e toru tekau hekere tona taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 20
- Kotahi koko koura, tekau ona hekere, ki tonu i te whakakakara:
- 21
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 22
- Kotahi kuao koati hei whakahere hara:
- 23
- E rua hoki nga puru hei patunga tapu, hei whakamarietanga, e rima hipi toa, e rima koati toa, e rima reme, kotahi ano o ratou tau: ko te whakahere tenei a Netaneere tama a Tuara.
- 24
- I te ra tuatoru na Eriapa te whakahere; he tama ia na Herona, he ariki no nga tamariki a Hepuruna:
- 25
- Kotahi rihi hiriwa, tana whakahere, kotahi rau e toru tekau hekere tona taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 26
- Kotahi koko koura, tekau ona hekere, ki tonu i te whakakakara.
- 27
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 28
- Kotahi kuao koati hei whakehere hara:
- 29
- E rua hoki nga puru hei patunga tapu, hei whakamarietanga, e rima nga hipi toa, e rima koati toa, e rima reme kotahi nei o ratou tau: ko te whakahere tenei a Eriapa tama a Herona.
- 30
- I te ra tuawha na Erituru te whakahere; he tama ia na Hereuru, he ariki no nga tamariki a Reupena:
- 31
- Kotahi rihi hiriwa tana whakehere, kotahi rau e toru tekau hekere te taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu, hei whakahere toto-kore.
- 32
- Kotahi koko koura, kotahi tekau ona hekere, ki tonu i te whakakakara.
- 33
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 34
- Kotahi kuao koati hei whakahere hara:
- 35
- E rua hoki nga puru hei patunga tapu, hei whakamarietanga, e rima nga hipi toa, e rima koati toa, e rima reme, he tau-tahi: ko te whakahere tenei a Erituru tama a Hereuru.
- 36
- I te ra tuarima na Herumiere te whakahere; he tama ia na Turiharai, he ariki no nga tamariki a Himeona.
- 37
- Kotahi rihi hiriwa tana whakahere, kotahi rau e toru tekau hekere tona taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 38
- Kotahi koko koura, tekau ona hekere, ki tonu i te whakakakara:
- 39
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 40
- Kotahi kuao koati hei whakahere hara:
- 41
- E rua hoki nga puru hei patunga tapu, hei whakamarietanga, e rima hipi toa, e rima koati toa, e rima reme, he tau-tahi: ko te whakahere tenei a Herumiere tama a Turiharai.
- 42
- I te ra tuaono na Eriahapa te whakahere; he tama ia na Teuere, he ariki no nga tamariki a Kara:
- 43
- Kotahi rihi hiriwa tana whakahere, kotahi rau e toru tekau hekere tona taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 44
- Kotahi koko koura, tekau ona hekere ki tonu i te whakakakara:
- 45
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 46
- Kotahi kuao koati hei whakahere hara:
- 47
- E rua hoki nga puru hei patunga tapu, hei whakamarietanga, e rima nga hipi toa, e rima koati toa, e rima reme kotahi ano o ratou tau: ko te whakahere tenei a Eriahapa tama a Teuere.
- 48
- I te ra tuawhitu na Erihama te whakahere; he tama ia na Amihuru, he ariki no nga tamariki a Eperaima:
- 49
- Kotahi rihi hiriwa tana whakahere, kotahi rau e toru tekau hekere tona taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 50
- Kotahi koko koura, tekau ona hekere, ki tonu i te whakakakara.
- 51
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 52
- Kotahi kuao koati hei whakahere hara:
- 53
- E rua hoki nga puru hei patunga tapu, hei whakamarietanga, e rima nga hipi toa, e rima koati toa, e rima reme kotahi ano o ratou tau: ko te whakahere tenei a Erihama tama a Amihuru.
- 54
- I te ra tuawaru na Kamariere te whakahere; he tama ia na Perahuru, he ariki no nga tamariki a Manahe:
- 55
- Kotahi rihi hiriwa tana whakahere, kotahi rau e toru tekau hekere tona taimaha, kotahi peihana hiriwa e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 56
- Kotahi koko koura, tekau ona hekere, ki tonu i te whakakakara:
- 57
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 58
- Kotahi kuao koati hei whakahere hara:
- 59
- E rua hoki nga puru hei patunga tapu, hei whakamarietanga, e rima nga hipi toa, e rima koati toa, e rima reme kotahi ano o ratou tau: ko te whakahere tenei a Kamariere tama a Perahuru.
- 60
- I te ra tuaiwa na Apirana te whakahere; he tama ia na Kireoni, he ariki no nga tamariki a Peniamine:
- 61
- Kotahi rihi hiriwa tana whakahere, kotahi rau e toru tekau hekere tona taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 62
- Kotahi koko koura, tekau ona hekere, ki tonu i te whakakakara:
- 63
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 64
- Kotahi kuao koati hei whakahere hara:
- 65
- E rua hoki nga puru hei patunga tapu, hei whakamarietanga, e rima nga hipi toa, e rima koati toa, e rima reme kotahi ano o ratou tau: ko te whakahere tenei a Apirana tama a Kireoni.
- 66
- I te tekau o nga ra na Ahietere te whakahere; he tama ia na Amiharai, he ariki no nga tamariki a Rana:
- 67
- Kotahi rihi hiriwa tana whakahere, kotahi rau e toru tekau hekere tona taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 68
- Kotahi koko koura, tekau ona hekere, ki tonu i te whakakakara:
- 69
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 70
- Kotahi kuao koati hei whakahere hara:
- 71
- E rua hoki nga puru hei patunga tapu, hei whakamarietanga, e rima nga hipi toa, e rima koati toa, e rima reme kotahi ano o ratou tau: ko te whakahere tenei a Ahietere tama a Amiharai.
- 72
- I te tekau ma tahi o nga ra na Pakiere te whakahere; he tama ia na Okorana, he ariki no nga tamariki a Ahera:
- 73
- Kotahi rihi hiriwa tana whakahere, kotahi rau e toru tekau hekere tona taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 74
- Kotahi koko koura, tekau ona hekere, ki tonu i te whakakakara:
- 75
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 76
- Kotahi kuao koati hei whakahere hara:
- 77
- E rua hoki nga puru hei patunga tapu, hei whakamarietanga, e rima nga hipi toa, e rima koati toa, e rima reme kotahi ano o ratou tau: ko te whakahere tenei a Pakiere tama a Okorana.
- 78
- I te tekau ma rua o nga ra na Ahira te whakahere; he tama ia na Enana, he ariki no nga tamariki a Napatari:
- 79
- Kotahi rihi hiriwa tana whakahere, kotahi rau e toru tekau hekere tona taimaha, kotahi peihana hiriwa, e whitu tekau ona hekere, he hekere wahi tapu; ki tonu aua mea e rua i te paraoa i konatunatua ki te hinu hei whakahere toto-kore:
- 80
- Kotahi koko koura, tekau ona hekere, ki tonu i te whakakakara.
- 81
- Kotahi puru, he kuao, kotahi hipi toa, kotahi reme, he tau-tahi, hei tahunga tinana:
- 82
- Kotahi kuao koati hei whakahere hara:
- 83
- E rua hoki nga puru hei patunga tapu, hei whakamarietanga, e rima nga hipi toa, e rima koati toa, e rima reme kotahi ano o ratou tau: ko te whakahere tenei a Ahira tama a Enana.
- 84
- Ko ta nga ariki a Iharaira tainga kawa tenei mo te aata, i te ra i whakawahia ai: kotahi tekau ma rua nga rihi hiriwa, kotahi tekau ma rua nga peihana hiriwa, kotahi tekau ma rua nga koko koura.
- 85
- Kotahi rau e toru tekau nga hekere o te rihi hiriwa kotahi, e whitu tekau hoki o te peihana kotahi: e rua mano e wha rau nga hekere o nga oko hiriwa katoa, he hekere wahi tapu:
- 86
- Kotahi tekau ma rua nga koko koura, ki tonu i te whakakakara, kotahi tekau nga hekere o tetahi o tetahi, he hekere wahi tapu: kotahi rau e rua tekau hekere te koura katoa o nga koko.
- 87
- Nga kau katoa mo te tahunga tinana kotahi tekau ma rua nga puru, kotahi tekau ma rua nga hipi toa, kotahi tekau ma rua nga reme tau-tahi, me o ratou whakahere toto-kore: kotahi tekau ma rua ano hoki nga kuao koati hei whakahere hara.
- 88
- Nga kau katoa hoki mo te patunga tapu, mo nga whakamarietanga, e rua tekau ma wha nga puru, e ono tekau nga hipi toa, e ono tekau hoki nga koati e ono tekau ano hoki nga reme tau-tahi. Ko te tainga kawa tenei o te aata i muri iho i tona whakawahinga.
- 89
- A, te haerenga atu o Mohi ki roto ki te tapenakara o te whakaminenga ki te korero ki a ia, na ka rongo ia ki te reo o tetahi e korero ana ki a ia i runga i te taupoki whakamarietanga i tera i runga i te aaka o te whakaaturanga, i waenganui i nga kerupima e rua: a ka korero ia ki a ia.
Address: 
Phone: 
Email: