- 1
- He teka ianei kei te karanga te whakaaro nui, kua puaki ano te reo o te matauranga?
- 2
- I runga i nga wahi tiketike tona turanga, i te ara i waenganui i nga huarahi.
- 3
- Hamama ana ia i te taha o nga kuwaha, i te ngutu o te pa, i te tomokanga atu i nga kēti.
- 4
- Ki a koutou, e nga tangata, taku karanga, ki nga tama ano a te tangata toku reo.
- 5
- E nga kuare, kia matau koutou ki te ngarahu tupato, e nga wairangi, kia mohio te ngakau.
- 6
- Whakarongo mai; ka korerotia hoki e ahau nga mea pai rawa; ta oku ngutu e whakapuaki ai ko nga mea e rite ana.
- 7
- He pono hoki te korero a toku mangai, he mea whakarihariha ano te kino ki oku ngutu.
- 8
- Kei runga i te tika nga kupu katoa a toku mangai; kahore he whakakeke, he whanoke, i roto.
- 9
- Enei katoa he mārama ki te tangata e matau ana, he tika ki te hunga i kitea ai te mohiotanga.
- 10
- Manakohia mai taku ako, ehara te hiriwa; engari te matauranga i te koura pai rawa.
- 11
- Pai atu hoki te whakaaro nui i nga rupi; e kore hoki e tau hei rite mona nga mea katoa e minaminatia ana.
- 12
- Ko au ko te whakaaro nui te hoa noho o te whakahaere tupato, e kitea ana ano e ahau te mohiotanga ki nga mahi tohunga.
- 13
- Te wehi ki a Ihowa koia tena ko te kino ki te he: e kino ana ahau ki te whakapehapeha, ki te whakakake, ki te ara he, ki te mangai whanoke.
- 14
- Te whakaaro tika, te whakaaro nui, naku; ko au te matauranga; kei a au te kaha.
- 15
- Naku nga kingi i kingi ai, naku nga rangatira i whakatakoto ai i te tika.
- 16
- Naku i whai rangatiratanga ai nga rangatira, nga tangata nunui, nga kai whakarite whakawa katoa o te whenua.
- 17
- E arohaina ana e ahau te hunga e aroha ana ki a au; te hunga hoki e rapu wawe ana i a au, e kite ratou i a au.
- 18
- He taonga, he kororia kei a au, he rawa mau tonu, he tika.
- 19
- Pai atu oku hua i te koura, ae ra, i te koura para-kore; nga mea e puta ana i roto i a au, pai atu i te hiriwa e whiriwhiria ana.
- 20
- Kei nga ara o te tika ahau e haere ana, kei waenganui i nga huarahi o te whakarite whakawa.
- 21
- Maku e mea te hunga e aroha ana ki a au kia whiwhi ki te rawa, ka whakakiia ano e ahau o ratou toa taonga.
- 22
- I a Ihowa ahau, no te timatanga ra ano o ona ara, no mua atu i ana mahi, nonamata riro.
- 23
- Nonamata riro ahau i whakaritea ai, no te timatanga, no mua atu i te whenua.
- 24
- I te mea kahore ano nga rire, kua whanau ahau, i te mea kiano nga puna i whai wai.
- 25
- No mua atu i te whakaunga o nga maunga, no mua i nga pukepuke toku whanautanga:
- 26
- I te mea kahore ano i hangā noatia e ia te whenua, me nga parae me nga wahi tiketike o te puehu o te ao.
- 27
- I tana whakapainga i nga rangi, i reira ano ahau: i tana whakaritenga i te awhi mo te mata o te rire;
- 28
- I tana whakapumautanga i nga kapua i runga; i tana whakakahanga i nga puna o te rire;
- 29
- I tana whakatakotoranga i tana tikanga mo te moana kei takahia tena kupu e nga wai; i tana whakaritenga i nga turanga o te whenua:
- 30
- I reira ahau i tona taha, he mea whakatupu, he ahuarekatanga ano ahau nana i tenei ra, i tenei ra, e koa ana i nga wa katoa i tona aroaro:
- 31
- E koa ana ki te ao, ara, ki tona whenua; aku ano i ahuareka atu ai ko nga tamariki a te tangata.
- 32
- Tena ra, e nga tamariki, whakarongo mai ki a au; ka hari hoki te hunga e pupuri ana i oku ara.
- 33
- Whakarongo mai ki te ako, kia whai whakaaro ai koutou; kaua hoki e paopaongia.
- 34
- Ka hari te tangata e whakarongo ana ki a au, e whanga ana ki aku tatau i tenei ra, i tenei ra, e tiaki ana i nga pou o oku kuwaha.
- 35
- Te tangata hoki e kite ana i a au, e kite ana i te ora, ka whiwhi ano ia ki ta Ihowa manako mai.
- 36
- Te tangata ia e hara ana ki a au, he mahi nanakia tana ki tona wairua ake; te hunga katoa e kino ana ki a au, e aroha ana ki te mate.
Address: 
Phone: 
Email: