- 1
- Whakawhetai atu ki a Ihowa, he pai hoki ia: e mau tonu ana hoki tana mahi tohu.
- 2
- Whakawhetai atu ki te Atua o nga atua: e mau tonu ana hoki tana mahi tohu.
- 3
- Whakawhetai atu ki te Ariki o nga ariki: e mau tonu ana hoki tana mahi tohu.
- 4
- E mahi nei tona kotahi i nga merekara nunui: e mau tonu ana hoki tana mahi tohu.
- 5
- I tohunga rawa nei ki te hanga i nga rangi: e mau tonu ana hoki tana mahi tohu.
- 6
- I whakatakoto nei i te whenua ki runga ki nga wai: e mau tonu ana hoki tana mahi tohu.
- 7
- Ki te kai hanga i nga whakamārama nui: e mau tonu ana hoki tana mahi tohu;
- 8
- I te ra hei tohutohu i te awatea: e mau tonu ana hoki tana mahi tohu;
- 9
- I te marama me nga whetu hei tohutohu i te po: e mau tonu ana hoki tana mahi tohu.
- 10
- Ki te kai patu i Ihipa, ara, i ā ratou whanau matamua: e mau tonu ana hoki tana mahi tohu;
- 11
- A arahina mai ana a Iharaira i waenganui i a ratou: e mau tonu ana hoki tana mahi tohu;
- 12
- I runga i te ringaringa kaha, i te tākakau kua oti te whakamaro: e mau tonu ana hoki tana mahi tohu.
- 13
- I tapahi nei i te moana Whero a motu rawa: e mau tonu ana hoki tana mahi tohu.
- 14
- A meinga ana e ia a Iharaira kia haere atu ra waenganui: e mau tonu ana hoki tana mahi tohu.
- 15
- A hurihia ana a Parao me ana mano ki te moana Whero: e mau tonu ana hoki tana mahi tohu.
- 16
- I arahi nei i tana iwi ra te koraha: e mau tonu ana hoki tana mahi tohu.
- 17
- I patu nei i nga kingi nunui: e mau tonu ana hoki tana mahi tohu;
- 18
- A whakamatea ana e ia nga kingi rongo nui: e mau tonu ana hoki tana mahi tohu;
- 19
- A Hihono kingi o nga Amori: e mau tonu ana hoki tana mahi tohu;
- 20
- Raua ko Oka kingi o Pahana: e mau tonu ana hoki tana mahi tohu;
- 21
- A hoatu ana e ia to ratou whenua hei kāinga pumau: e mau tonu ana hoki tana mahi tohu;
- 22
- Hei kāinga pumau mo Iharaira, mo tana pononga: e mau tonu ana hoki tana mahi tohu.
- 23
- I mahara nei ki a tatou i to tatou itinga: e mau tonu ana hoki tana mahi tohu;
- 24
- A whakaorangia ana tatou i o tatou hoa riri: e mau tonu ana hoki tana mahi tohu.
- 25
- Ko ia te kai hoatu i te kai ma nga kikokiko katoa: e mau tonu ana hoki tana mahi tohu.
- 26
- Whakawhetai atu ki te Atua o te rangi; e mau tonu ana hoki tana mahi tohu.
Address: 
Phone: 
Email: