- 1
- Nga wai o Papurona, noho ana tatou i reira, tangi ana, i to tatou maharatanga ki Hiona.
- 2
- Whakatarea ake e tatou a tatou hāpa ki runga ki nga wirou i waenganui o reira.
- 3
- No te mea i tono i reira o tatou kai herehere i tetahi waiata i a tatou; me o tatou kai tukino i te hari, i ki mai: Waiatatia mai ma matou tetahi o nga waiata o Hiona.
- 4
- Ma te aha matou ka waiata ai i te waiata a Ihowa i te whenua ke?
- 5
- Ki te wareware ahau ki a koe, e Hiruharama, kia wareware toku ringaringa matau ki tana mahi.
- 6
- Ki te kore ahau e mahara ki a koe, kia piri toku arero ki taku ngao: ki te kore ahau e whakanui i Hiruharama ki runga ake i taku mea i tino hari ai.
- 7
- E Ihowa, maharatia nga tamariki o Eroma i te ra o Hiruharama; ta ratou meatanga, Whakahoroa, whakahoroa, a taea noatia iho tona turanga.
- 8
- E te tamahine o Papurona, meake nei whakangaromia, ka hari te tangata e whakahoki atu ana i to utu ki a koe mo tau i mea mai ai ki a matou.
- 9
- Ka hari te tangata e hopu ana, e ta ana i o tamariki ki te kohatu.
Address: 
Phone: 
Email: