- 1
- (Na Rawiri.) Ka whakapaua toku ngakau ki te whakawhetai ki a koe: ka himene atu ahau ki a koe i te aroaro o nga atua.
- 2
- Ka koropiko atu ahau ki te ritenga mai o to temepara tapu, a ka whakamoemiti atu ki tou ingoa, mo tou aroha me tou pono: mou i whakanui i to kupu ki runga ake i tou ingoa katoa.
- 3
- I whakahoki kupu mai koe ki a au i te ra i karanga atu ai ahau: a whakakahangia ana e koe toku wairua ki te kaha.
- 4
- Ka whakamoemiti nga kingi katoa o te whenua ki a koe, e Ihowa, ua rongo ratou ki nga kupu a tou mangai.
- 5
- Ae, e waiata ratou ki nga ara o Ihowa: he nui hoki te kororia o Ihowa.
- 6
- Ahakoa kei runga rawa a Ihowa, e titiro ana ano ia ki te ngakau ngohe: tena ko te tangata whakakake, i tawhiti ano kua matauria e ia.
- 7
- Ahakoa haere ahau i waenganui o te he, mau ahau e whakahauora: ka totoro mai tou ringaringa ki te riri a oku hoa whawhai, ma tou ringaringa matau ano ahau e whakaora.
- 8
- Ma Ihowa e whakaoti aku mea: e Ihowa, e mau ana tau mahi tohu ake ake; kaua e whakarerea nga mahi a ou ringa.
Address: 
Phone: 
Email: