- 1
- Whakamoemititia a Ihowa; he mea pai hoki te himene atu ki to tatou Atua: he mea pai ahuareka hoki; e ataahua ana te whakamoemiti.
- 2
- Ko Ihowa hei hanga i Hiruharama: mana hoki nga whati o Iharaira e kohikohi.
- 3
- Ko ia hei rongoa i te hunga ngakau maru: mana e takai o ratou wahi mamae.
- 4
- E tāua ana e ia nga whetu te maha: e huaina ana hoki e ia nga ingoa.
- 5
- He nui to tatou Ariki, he nui tona kaha: e kore e taea tona matauranga te whakaaro.
- 6
- Ko Ihowa te kai whakaara ake i te hunga mahāki: ka turakina e ia te hunga kino ki raro ki te whenua.
- 7
- Waiata whakawhetai atu ki a Ihowa: himene atu i runga i te hāpa ki to tatou Atua.
- 8
- Ko ia te kai uwhi i te rangi ki nga kapua, te kai hanga i te ua mo te whenua: e whakatupu ana ia i te tarutaru ki runga ki nga maunga.
- 9
- E hoatu ana e ia he kai ma te kirehe: ma nga pi rawena ina tangi.
- 10
- E kore ia e ahuareka ki te kaha o te hoiho: e kore ia e manako mai ki nga waewae o te tangata.
- 11
- E manako mai ana a Ihowa ki te hunga e wehi ana i a ia, ki te hunga e tumanako atu ana ki tona aroha.
- 12
- Whakamoemititia a Ihowa, e Hiruharama: whakamoemititia tou Atua, e Hiona.
- 13
- Nana nei hoki i whakakaha nga tutaki o ou tatou: manaakitia ana e ia au tamariki i roto i a koe.
- 14
- Nana ano i mau ai te rongo i roto i o rohe: nana koe i makona ai i te witi pai rawa.
- 15
- Tukua mai ana e ia tana kupu ki te whenua: e tino horo ana te rere o tana kupu.
- 16
- E homai ana e ia te hukarere, ano he huruhuru hipi: e whakatitaritaria ana te haupapa, ano he pungarehu.
- 17
- Makā mai ana e ia tana hauhunga, ano he maramara: ko wai e tu i mua i tana matao?
- 18
- E tukua mai ana e ia tana kupu, hei whakarewa i aua mea: ka meinga tana hau kia pupuhi, rere ana nga wai.
- 19
- E whakakitea ana e ia tana kupu ki a Hakopa, ana tikanga, me ana whakaritenga whakawa ki a Iharaira.
- 20
- Kahore i pena tana hanga ki tetahi iwi: kihai ano hoki ana whakaritenga whakawa i mohiotia e ratou. Whakamoemititia a Ihowa.
Address: 
Phone: 
Email: