- 1
- Whakamoemititia a Ihowa. Whakamoemititia a Ihowa i runga i nga rangi: whakamoemititia ia i nga wahi tiketike.
- 2
- Whakamoemititia ia, e ana anahera katoa: whakamoemititia ia, e ana mano whaioio.
- 3
- Whakamoemititia ia, e te ra, e te marama: whakamoemititia ia, e nga whetu whakamārama katoa.
- 4
- Whakamoemititia ia, e nga rangi o nga rangi, e nga wai hoki o runga atu i nga rangi.
- 5
- Kia whakamoemititia e ratou te ingoa o Ihowa: nana hoki i whakahau mai, a kua hangā.
- 6
- Nana hoki aua mea i whakapumau ake ake: i whakatakotoria e ia he tikanga e kore e taka.
- 7
- Whakamoemititia a Ihowa, i runga i te whenua, e nga tarakona, me nga rire katoa;
- 8
- E te kapura, e te whatu; e te hukarere, e nga kohu; me te awha e whakarite nei i tana kupu;
- 9
- E nga maunga, me nga puke katoa; e nga rakau hua, me nga hita katoa;
- 10
- E nga kirehe, me nga kararehe katoa; e nga mea ngokingoki, e nga manu whai pakau.
- 11
- E nga kingi o te whenua, me nga iwi katoa; e nga rangatira, me nga kai whakarite whakawa katoa o te whenua.
- 12
- E nga taitamariki, e nga taitamahine; e nga koroheke ratou ko nga tamariki:
- 13
- Kia whakamoemititia e ratou te ingoa o Ihowa: nona anake hoki te ingoa e nui ana; kei runga ake i te whenua, i te rangi, tona kororia.
- 14
- Ko ia hoki te kai whakaara o te haona o tona iwi; e whakamoemititia ana e ona tangata tapu katoa, e nga tamariki a Iharaira, e te iwi e tata ana ki a ia. Whakamoemititia a Ihowa.
Address: 
Phone: 
Email: