Psalms Chapter 149 - Paipera Tapu 1868

1: Whakamoemititia a Ihowa. Waiatatia atu ki a Ihowa he waiata hou, me te whakamoemiti ki a ia i te whakaminenga a te hunga tapu.
2: Kia hari a Iharaira ki tona kai hanga: kia koa nga tamariki o Hiona ki to ratou Kingi.
3: Kia whakamoemiti ratou ki tona ingoa me te kanikani ano: kia himene atu ki a ia i runga i te timipera, i te hāpa.
4: E manako mai ana hoki a Ihowa ki tana iwi: mana e whakaataahua te hunga mahaki ki te whakaoranga.
5: Kia koa te hunga tapu i runga i te kororia: kia hamama ratou i te hari i runga i o ratou moenga.
6: Kia whai whakamoemiti o ratou mangai ki te Atua, kia whai hoari koinga-rua o ratou ringaringa;
7: Hei rapu utu i nga tauiwi, hei whiu i nga iwi;
8: Hei herehere i o ratou kingi ki nga mekameka, me o ratou tangata nunui ki nga here rino.
9: Hei whakaputa ki a ratou i te whakariteritenga kua oti te tuhituhi: no tona hunga tapu katoa tenei honore. Whakamoemititia a Ihowa.