- 1
- (He Mikitana na Rawiri.) Tiakina ahau, e te Atua: e whakawhirinaki atu nei hoki ahau ki a koe.
- 2
- I mea ahau ki a Ihowa, Ko koe taku Ariki, kahore e tata toku pai ki a koe.
- 3
- Engari ki te hunga tapu i runga i te whenua, ratou ko te hunga pai rawa, kua ahu katoa atu taku ahuarekatanga kia ratou.
- 4
- Ka whakanuia nga mamae o te hunga e hohoro atu ana ki te atua ke: e kore e ringihia e au a ratou ringihanga toto, e kore ano hoki o ratou ingoa e whakahuatia e oku ngutu.
- 5
- Ko Ihowa te wahi i wehea mai moku, me taku kapa hoki, ko koe te kai whakapumau i taku rota.
- 6
- Kua takoto aku aho ki runga ki nga wahi ahuareka, ina he wahi pai toku.
- 7
- Ka whakapaingia e ahau a Ihowa, i whakamahara nei i a au: ka whakaako ano hoki oku whatumanawa i a au i te po.
- 8
- Ka waiho tonu e ahau a Ihowa ki toku aroaro: kei taku ringa matau nei ia, a e kore au e whakakorikoria.
- 9
- Koia i koa ai toku ngakau, i whakamanamana ai toku kororia, i takoto tumanako ai ano hoki oku kikokiko.
- 10
- No te mea hoki e kore e waiho e koe toku wairua i te reinga, e kore e tukua e koe to MEA TAPU kia kite i te pirau.
- 11
- Ka whakakitea mai e koe ki a au te huarahi o te ora; kei to aroaro te haringa nui, kei to ringaringa matau nga mea ahuareka e kore nei e mutu.
Address: 
Phone: 
Email: