- 1
- (He inoi na Rawiri.) Whakarongo ki te tika, e Ihowa, tahuri mai ki taku karanga, kia titaha mai to taringa ki taku inoi, ehara nei i te ngutu tinihanga nana i whakahua.
- 2
- Kia puta mai te whakaritenga o taku whakawakanga i to aroaro; tirohia mai e o kanohi te mea e rite ana.
- 3
- Kua whakamatautauria e koe toku ngakau; kua tirotirohia iho ahau e koe i te po; kua whakamatautau koe i a au, a kahore he mea i kitea e koe; e mea ana ahau kia kaua e hara toku mangai.
- 4
- Nga mahi nei a te tangata, ko nga kupu a to mangai taku mea hei pa mai ki a au i nga ara o te kai whakangaro.
- 5
- Whakaukia aku hikoinga ki o ara, kei paheke aku takahanga.
- 6
- E karanga atu nei ahau ki a koe, no te mea ka whakahoki kupu mai koe, e te Atua, ki a au: whakatitahatia mai to taringa ki a au, whakarongo ki taku kupu.
- 7
- Meinga kia miharotia āu mahi aroha, ko koe nei hoki ko to ringaringa matau te kai whakaora mo te hunga e whakawhirinaki atu ana ki a koe, i te hunga e whakatika mai ana.
- 8
- Tiakina ahau, ano ko te whatu o te kanohi, hunā ahau ki raro i te taumarumarutanga o ou pakau,
- 9
- I te hunga kino e tukino nei i a au, i aku hoa riri whakamate e karapoti nei i a au.
- 10
- E kopakia ana ratou e o ratou ngako: e korero whakapehapeha ana o ratou mangai.
- 11
- Tenei o matou hikoinga te karapotia nei e ratou: matatau tonu iho o ratou kanohi ki raro ki te whenua.
- 12
- E rite ana ratou ki te raiona e hiahia ana ki te hopu kai, ki te kuao raiona ano hoki e noho ana i nga wahi ngaro.
- 13
- E ara, e Ihowa, haukotia tona aroaro, turakina iho ia ki raro, whakaorangia toku wairua i te tangata kino, ara, i to hoari.
- 14
- I nga tangata, ara i to ringaringa, e Ihowa, i nga tangata o te ao: kei tenei ora nei to ratou wahi, a e whakakiia ana o ratou kopu e koe ki to taonga huna: e kikī ana ratou i te tamariki, whakarerea iho nga toenga o o ratou taonga ki ā ratou kohungahunga.
- 15
- Ko au, e kite ano ahau i to mata i runga i te tika, a ma te rite ki a koe ka tatu ai taku ngakau ina ara ake ahau.
Address: 
Phone: 
Email: