- 1
- He aha ka nana ai nga tauiwi, ka whakaaro horihori ai nga iwi?
- 2
- Whakatika mai ana nga kingi o te whenua, runanga tahi ana hoki nga ariki, ki te whawhai ki a Ihowa, ki tana tangata hoki i whakawahi ai.
- 3
- Kia motumotuhia e tatou a raua here, kia akiritia ano hoki a raua taura i a tatou,
- 4
- Kei te rangi ia e noho ana, ka kata ia: ka whakahi mai te Ariki ki a ratou.
- 5
- Na, ka korero ia ki a ratou me te riri ano, ka tino weriweri hoki, ka whakaohorere i a ratou.
- 6
- Ahakoa ra ka whakawahia e ahau taku kingi ki runga ki taku maunga tapu ki Hiona.
- 7
- Maku e whakapuaki te kupu, kua mea mai a Ihowa ki a au, Ko koe taku Tama, nonaianei koe i whakatupuria ai e ahau.
- 8
- Inoi mai ki a au, a ka hoatu e ahau ki a koe nga tauiwi hei kāinga mou, me nga topito o te whenua hei nohoanga tupu mou.
- 9
- Ka wawahi koe i a ratou ki te whiu rino, mongamonga noa ratou i a koe, ano he oko na te kai hanga rihi.
- 10
- Na, kia mahara ra, e nga kingi: kia akona, e nga kai whakarite whakawa o te whenua.
- 11
- Mahi ki a Ihowa i runga i wehi, kia hari me te wiri.
- 12
- Kihitia te Tamaiti kei riri ia, a ka mate atu koutou i te ara, ina toro tetahi wahi o tona riri. Ka hari katoa te hunga e whakawhirinaki atu ana ki a ia.
Address: 
Phone: 
Email: