- 1
- Ka hari te tangata kahore nei e haere i te whakaaro o te tangata kino, kahore ano hoki e tu i te ara o te hunga hara, kahore ano e noho i te nohoanga o te hunga whakahi.
- 2
- Engari ko te ture a Ihowa tana e whakaahuareka ai; kei tona ture ano hoki ana whakaaro i te ao i te po.
- 3
- E rite hoki ia ki te rakau i whakatokia ki te taha o nga awa wai, e whai hua nei i te po e hua ai: e kore tona rau e memenge; a ka pono ana mea katoa e mea ai ia.
- 4
- E kore e pena nga tangata kino: engari ka rite ki te papapa e puhia haeretia ana e te hau.
- 5
- Ae ra, e kore e tu te hunga kino i te whakawakanga, me te hunga hara hoki i te whakaminenga o te hunga tika.
- 6
- No te mea hoki e matau ana a Ihowa ki te huarahi o te hunga tika: ko te huarahi ia o te hunga kino e ngaro.
Address: 
Phone: 
Email: