- 1
- (Na Rawiri.) Whakaritea toku whakawa, e Ihowa, e haere ana hoki ahau i te tapatahitanga o toku ngakau: e whakawhirinaki atu ana hoki ahau ki a Ihowa, a e kore e paheke.
- 2
- Tirohia iho ahau, e Ihowa, whakamatauria ahau, kia kitea oku whatumanawa me toku ngakau.
- 3
- Kei mua hoki to atawhai i oku kanohi; a e haere ana ahau i tou pono.
- 4
- Kahore ahau i noho tahi ki nga tangata horihori; e kore ano hoki ahau e tomo tahi me nga tangata tinihanga.
- 5
- Kino tonu ahau ki te whakaminenga o nga kai mahi i te hē, e kore ano ahau e noho tahi ki te hunga kino.
- 6
- Ka horoia e ahau oku ringaringa ki te harakoretanga, ka taiawhio ai i to aata, e Ihowa;
- 7
- A ka rangona toku reo e whakamoemiti ana, e whakapuaki ana i au mahi whakamiharo katoa.
- 8
- E Ihowa, e aroha ana ahau ki to whare nohoanga, ki te wahi hoki e nohoia ana e to honore.
- 9
- Kei huia toku wairua ki roto ki te hunga hara, me toku ora ki roto ki te hunga toto.
- 10
- He mahi nanakia hoki ta o ratou ringaringa; kī tonu ano hoki o ratou ringaringa matau i te utu whakapati.
- 11
- Ko ahau ia, ka haere i toku tapatahitanga: hokoa ahau, tohungia hoki ahau.
- 12
- E tu ana toku waewae i te wahi tika: ka whakapaingia a Ihowa e ahau i roto i nga whakaminenga.
Address: 
Phone: 
Email: