- 1
- (Na Rawiri.) Ko Ihowa toku māramatanga me toku whakaoranga; kia wehi ahau i a wai? ko Ihowa te kaha o toku ora; ko wai taku e mataku ai?
- 2
- I te whakatatanga mai o te hunga kino, o oku hoa riri, o oku hoa whainga, ki te kai i oku kikokiko, tūtuki ana ratou, hinga ana.
- 3
- Ahakoa whakapae noa te ope i a au e kore toku ngakau e wehi: ahakoa ara noa te pakanga ki a au, ma tenei ka au ai ahau.
- 4
- Kotahi taku mea i inoi ai ahau i a Ihowa, a ko taku tena e rapu ai: kia noho i te whare o Ihowa i nga ra katoa e ora ai ahau, kia kite ai ahau i te ataahuatanga o Ihowa, a kia ui i roto i tona temepara.
- 5
- Ka hunā hoki ahau e ia ki tona teneti i te ra o te hē, ka kuhua ahau e ia ki roto ki te wahi ngaro i tona tapenakara, ka whakanohoia ahau e ia ki runga ki te kohatu.
- 6
- Na, aianei ka whakateiteitia ake toku mahunga ki runga ake i oku hoa riri, e karapoti nei i a au; a ka patua e ahau i roto i tona tapenakara nga whakahere hari; ka waiata ahau, ae ka himene atu ki a Ihowa.
- 7
- Whakarongo mai, ki toku reo, e Ihowa, ua karanga atu ahau; tohungia ahau, whakahokia mai hoki he kupu ki a au.
- 8
- E toku ngakau, kua mea mai ia ki a koe, Rapua e koutou toku mata: ka rapu ahau i to mata, e Ihowa.
- 9
- Kaua to mata e hunā ki a au, kaua to pononga e whakapeaua atu ua riri koe: ko koe toku kai awhina, kei mahue ahau i a koe, kei whakarerea e koe, e te Atua o toku whakaoranga.
- 10
- Ki te whakarearea ahau e toku pāpā, e toku whaea, ko Ihowa hei tukunga atu moku.
- 11
- E Ihowa, whakaakona ahau ki to ara; arahina ahau i te ara tika, he hoa riri hoki oku.
- 12
- Kaua ahau e tukua atu ki te hiahia o oku hoa riri; kua whakatika mai hoki ki a au nga kai whakapae teka, me te hunga manawa nanakia.
- 13
- Ahakoa ra e whakapono ana ahau, tera au e kite i te pai o te Atua i te whenua o te ora.
- 14
- Tāria a Ihowa: kia maia, a mana e whakakaha to ngakau; ina tāria a Ihowa.
Address: 
Phone: 
Email: