- 1
- Kia hari ki a Ihowa, e te hunga tika: he mea ataahua te whakamoemiti ma te hunga tutika.
- 2
- Whakamoemiti atu ki a Ihowa i runga i te hāpa; himene atu ki a ia i runga i te hatere kotahi nei tekau nga aho.
- 3
- Waiatatia atu ki a ia he waiata hou: kia tika te whakatangi, kia nui te reo.
- 4
- No te mea e tika ana te kupu a Ihowa, a kei runga i te pono ana mahi katoa.
- 5
- E paingia ana e ia te tika me te whakarite whakawa: e ki ana te whenua i te atawhai a Ihowa.
- 6
- Na te kupu a Ihowa nga rangi i hanga, me nga mano katoa ano hoki o reira na te ha o tona mangai.
- 7
- He mea huihui mai e ia nga wai o te moana, ano he puranga; he mea whawhao e ia te rire ki nga whare toa.
- 8
- Kia wehi te whenua katoa ki a Ihowa; kia ohooho hoki nga tangata katoa o te ao ki a ia.
- 9
- I ki hoki ia a kua oti: i whakahau atu ia, a tu tonu iho.
- 10
- E whakatakā iho ana e Ihowa te whakaaro a nga tauiwi: e whakakahoretia ana e ia nga meatanga a nga iwi.
- 11
- Te whakaaro a Ihowa, tu tonu ake ake; nga meatanga a tona ngakau kei tena whakatupuranga, kei tena whakatupuranga.
- 12
- Ka hari te iwi no ratou nei Atua Ihowa, te iwi kua whiriwhiria e ia hei taonga tupu mona.
- 13
- E titiro iho ana a Ihowa i te rangi; e kite ana ia i nga tama katoa a te tangata.
- 14
- Kei tona wahi nohoanga ia e matakitaki iho ana ki nga tangata katoa o te whenua.
- 15
- Rite tonu tana hanganga i o ratou ngakau, e mohiotia ana e ia a ratou mahi katoa.
- 16
- E kore tetahi kingi e ora i te nui o te ope, e kore e ora te tangata marohirohi i te nui o te kaha.
- 17
- He mea teka te hoiho hei whakaora, e hara ano tona kaha nui i te mea e mawhiti ai.
- 18
- Nana, kei runga i te hunga e wehi ana i a ia te kanohi o Ihowa, kei te hunga e tumanako atu ana ki tana mahi tohu.
- 19
- Hei whakaora i o ratou wairua kei mate, hei mea i a ratou kia ora i te wa o te hemo-kai.
- 20
- E tatari ana o tatou wairua ki a Ihowa; ko ia to tatou kai awhina, me to tatou whakangungu rakau.
- 21
- Hari tonu nei o tatou ngakau ki a ia; no tatou hoki i whakawhirinaki atu ki tona ingoa tapu.
- 22
- E Ihowa, hei runga i a matou tau mahi tohu; kia rite hoki ki ta matou tumanakotanga atu ki a koe.
Address: 
Phone: 
Email: