- 1
- (Ki te tino kai whakatangi. Na te pononga a Ihowa, na Rawiri.) E mea ana te mahi kino a te tangata hara i roto i toku ngakau, kahore he wehi ki te Atua i mua i ona kanohi.
- 2
- E whakapai ana hoki ona kanohi ake ki a ia ano, a kitea noatia iho te kino o tona hara.
- 3
- He kino nga kupu a tona mangai, he rauhanga hoki, kua mahue i a ia te mahara, te mahi i te pai.
- 4
- He mahi nanakia tana e whakaaro ai i runga i tona moenga; ehara i te pai te huarahi e turia ana e ia, kahore ona whakarihariha ki te kino.
- 5
- Kei nga rangi, e Ihowa, tau mahi tohu: a tutuki noa atu to pono ki nga kapua.
- 6
- Rite tonu tou tika ki nga maunga nui; he rire whakaharahara au whakaritenga whakawa: ko koe, e Ihowa, te kai whakaora i te tangata, i te kararehe.
- 7
- Ano te pai o tou aroha, e te Atua: koia nga tama a te tangata ka okioki ai i raro i te taumarumarutanga iho o ou pakau.
- 8
- Ka makona ratou i nga mea momona o tou whare: ka whakainumia ano e koe ki te awa o au mea whakahari.
- 9
- Kei a koe hoki te puna o te ora; ma to māramatanga ka kite ai matou i te māramatanga.
- 10
- Kia roa tou arohatanga ki te hunga e matau ana ki a koe, tou tika hoki ki te hunga ngakau tika.
- 11
- Kei puta mai ki a au te waewae whakapakari; kei turakina ahau e te ringa o te hunga hara.
- 12
- Hinga iho i reira te kai mahi i te kino: kua turakina iho ratou, tē ahei te ara ake.
Address: 
Phone: 
Email: