- 1
- (Ki te tino kai whakatangi. He himene na Rawiri.) Ka hari te tangata e whakaaro ana ki te rawa-kore; e whakaorangia ia e Ihowa i te wa o te he.
- 2
- Ma Ihowa ia e tiaki, e whakaora; ka whakaharitia ia i runga i te whenua: e kore ano hoki e tukua atu e koe ki nga hiahia o ona hoa riri.
- 3
- Ma Ihowa ia e whakakaha, i a ia e whakaruhi ana i runga i te moenga: mau ano e whakapai katoa tona moenga i a ia e mate ana.
- 4
- I mea ahau, E Ihowa, tohungia ahau; rongoatia toku wairua; kua hara hoki ahau ki a koe.
- 5
- He kino te korero a oku hoa riri moku, Ahea ranei ia mate ai, pirau ai tona ingoa?
- 6
- A ki te haere mai ia kia kite i a au, ka korero horihori ia: e ami mai ana tona ngakau i te kino mana; tona putanga atu ki waho, korerotia ana e ia.
- 7
- E kowhetewhete ana moku te hunga katoa e kino mai ana ki a au; e whakatakoto ana ratou i te kino moku.
- 8
- E ai to ratou, E piri ana te mate kino ki a ia; a ka takoto na ia, heoi ano tona aranga ake.
- 9
- Ae, ko toku hoa ake ano, i whakawhirinaki ai ahau, i kai nei i taku taro, kua hiki ake tona rekereke ki a au.
- 10
- Ko koe ia, e Ihowa, kia aroha mai ki a au: a whakaarahia ake ahau, kia utua ai ratou e ahau.
- 11
- No konei ahau i matau ai e pai mai ana koe ki a au, no te mea kahore toku hoa riri e whakamanamana mai ki a au.
- 12
- Ko au ia, mau ahau e whakamau ake i runga i toku ngakau tapatahi: mau hoki au e whakatu ki tou aroaro ake tonu atu.
- 13
- Kia whakapaingia a Ihowa Atua o Iharaira inamata riro ano, ake tonu atu ano hoki. Amine, ae Amine.
Address: 
Phone: 
Email: