- 1
- (Ki te tino kai whakatangi. He himene na Rawiri, i te taenga atu o Natana poropiti ki a ia, mo tona haerenga ki a Pate-hepa.) Tohungia ahau, e te Atua, kia rite ki tou atawhai: kia rite ki tou aroha nui te murunga o oku hara.
- 2
- Horoia rawatia taku kino: kia ma hoki toku hara.
- 3
- E whaki ana hoki ahau i aku mahi tutu: kei toku aroaro tonu toku hara.
- 4
- He hara ki a koe, ki a koe anake, toku; i meatia ano tenei hē ki tou aroaro; i tika ai koe i to korerotanga, i ma ai hoki i to whakaritenga whakawa.
- 5
- Na, i whakaahuatia ahau i roto i te kino, i runga ano i te hara toku whakahaputanga ki roto ki toku whaea.
- 6
- Na, ko tau e matenui ai ko te pono i nga wahi o roto, a ka whakaakona oku wahi ngaro e koe ki te whakaaro nui.
- 7
- Purea ahau ki te hihopa, a ka ma ahau; horoia ahau, a ka ma ke atu i te hukarere.
- 8
- Kia rongo ahau i te hari, i te koa, a ka whakamanamana nga iwi i whatiia nei e koe.
- 9
- Hunā tou mata ki oku hara; a murua katoatia aku kino.
- 10
- Hangā, e te Atua, he ngakau ma ki roto ki a au: whakahoutia hoki ki roto ki a au he wairua tika.
- 11
- Kaua ahau e makā atu i tou aroaro; kaua hoki tou wairua tapu e tangohia i a au.
- 12
- Whakahokia mai ki a au te hari o tau whakaoranga: tautokona ake hoki ahau ki tou wairua kakama.
- 13
- Ko reira ahau whakaako ai i ou ara ki te hunga tutu; a ka tahuri mai te hunga hara ki a koe.
- 14
- Whakaorangia ahau i te hara toto, e te Atua, e te Atua o toku whakaoranga, a ka waiatatia āu mahi tika e toku arero.
- 15
- Whakatuwheratia oku ngutu, e te Ariki; a ka puaki i toku mangai te whakamoemiti ki a koe.
- 16
- Kahore nei hoki koe e aro ki te patunga tapu; penei kua hoatu e ahau, kahore koe e whakaahuareka ki te tahunga tinana.
- 17
- Nga patunga tapu ma te Atua he wairua maru: e kore koe e whakahawea e te Atua, ki te ngakau maru, ki te ngakau iro.
- 18
- Kia pai tau e mea ai, kia manako hoki koe, ki Hiona: hangā nga taiepa o Hiruharama.
- 19
- Ko reira koe pai ai ki nga patunga tapu o te tika, ki nga tahunga tinana, he mea whakaeke katoa: ko reira ratou whakaeke ai i nga puru ki runga ki to aata.
Address: 
Phone: 
Email: