- 1
- (Ki te tino kai whakatangi Nekinoto. He Makiri, na Rawiri i te haerenga mai o nga Tepimi ki a Haora, kī ai, He teka ianei kei a matou a Rawiri e piri ana?) E te Atua, kia whakaorangia ahau e tou ingoa; kia whakaritea hoki toku whakawakanga e tou kaha.
- 2
- E te Atua, whakarongo mai ki taku inoi, tahuri mai tou taringa ki nga kupu a toku mangai.
- 3
- No te mea kua whakatika mai nga tangata iwi ke ki a au, a e whaia ana ahau kia whakamatea e te hunga tukino, kihai i waiho e ratou te Atua ki to ratou aroaro. Hera.
- 4
- Tenei te Atua hei kai awhina moku; kei roto te Ariki i te hunga e tautoko ake ana i toku wairua.
- 5
- Mana e utu te kino a oku hoa riri: hunā ratou, he pono nei hoki koe.
- 6
- Ka kakama ahau ki te mea patunga tapu ki a koe, ka whakamoemiti atu ki tou ingoa, e Ihowa: he mea pai hoki.
- 7
- Kua whakaorangia hoki ahau e ia i roto i nga he katoa: a kua titiro toku kanohi ki oku hoa riri.
Address: 
Phone: 
Email: