- 1
- (Ki te tino kai whakatangi Ketiti. He himene na Rawiri.) E Ihowa, e to matou Ariki, ano te nui o to ingoa i te whenua katoa! pakū ana i a koe to kororia ki runga ake i nga rangi!
- 2
- U pu i a koe te kaha o te mangai o nga kohungahunga o nga mea ngote u, hei mea mo ou hoa riri, hei pehi mo te hoa riri, mo te kai rapu utu.
- 3
- Ka titiro atu ahau ki o rangi, ki te mahi a ou maihao, ki te marama me nga whetu, i hangā nei e koe.
- 4
- He aha te tangata i maharatia mai ai e koe? te tama ranei a te tangata i tirohia ai ia e koe?
- 5
- Nohinohi nei te wahi i whakaititia iho ai ia e koe i nga anahera, karaunatia ana ia e koe ki te kororia, ki te honore.
- 6
- Waiho iho e koe hei kingi mo nga mahi a ou ringa; kua waiho e koe nga mea katoa i raro i ona waewae.
- 7
- Nga hipi katoa me nga puru, nga kirehe katoa ano hoki o te parae.
- 8
- Te manu o te rangi, me te ika o te moana, e tere nei i nga ara o nga moana.
- 9
- E Ihowa, e to matou Ariki, ano te nui o to ingoa i te whenua katoa!
Address: 
Phone: 
Email: