- 1
- (Ki te tino kai whakatangi. He himene ma nga tama a Koraha.) E Ihowa, kua aro mai koe ki tou whenua, kua whakahokia mai e koe a Hakopa i whakaponongatia nei.
- 2
- Kua murua e koe te kino a tou iwi, kua hipokina e koe o ratou hara katoa. Hera.
- 3
- Kua whakakahoretia katoatia e koe to weriweri; kua tahuri atu koe i te aritaritatanga o to riri.
- 4
- Whakahokia ake matou, e te Atua o to matou whakaoranga: kia mutu hoki to riri ki a matou.
- 5
- E riri ranei koe ki a matou ake ake? e mauahara tonu ranei koe, a tena whakatupuranga, tena whakatupuranga?
- 6
- E kore ianei koe e whakahoki ake i a matou ki te ora: kia hari ai tou iwi ki a koe?
- 7
- E Ihowa, whakakitea mai tau mahi tohu ki a matou: tukua mai hoki ki a matou tau whakaoranga.
- 8
- Ka whakarongo atu ahau ki ta te Atua, ki ta Ihowa e korero ai: no te mea hoki mo te rongo mau āna korero ki tona iwi, ki tona hunga tapu hoki; kaua ia ratou e hoki atu ki te wairangi.
- 9
- He pono e tata ana tana whakaoranga ki te hunga e wehi ana i a ia, kia noho ai te kororia ki to tatou whenua.
- 10
- Kua tutaki te mahi tohu raua ko te pono: kua kihi ki a raua te tika me te rongo mau.
- 11
- E tupu ake te pono i te whenua, a e titiro iho te tika i te rangi.
- 12
- Ae, ka homai e Ihowa te pai: a ka tukua mai ona hua e to tatou whenua.
- 13
- Ka haere te tika ki mua i a ia, hei whakatu i a tatou ki te ara o ana hikoinga.
Address: 
Phone: 
Email: