Psalms Chapter 93 - Paipera Tapu 1868

1: Ko Ihowa te Kingi, he kororia tona kakahu; to Ihowa kakahu he kaha, tana hoki e whitiki ai ki a ia: kua whakaukia e ia te ao, tē taea te nekeneke.
2: No mua iho tou torona i whakapumautia ai: nonamata riro koe.
3: Ka whakaarahia e nga roma, e Ihowa, ka whakaarahia e nga roma to ratou reo; ka ara nga ngaru o nga roma.
4: Kei runga a Ihowa: e kaha ana ia i nga reo o nga wai maha, i nga tuātea nunui o te moana.
5: Pono tono au whakaaturanga: ko te tapu te mea pai mo tou whare, e Ihowa, ake ake.