- 1
- E Ihowa, e te Atua, e te Kai rapu utu; e te Atua, e te Kai rapu utu, whiti mai.
- 2
- Maranga ake, e te Kai whakarite whakawa mo te whenua: whakahokia atu he utu ki te hunga whakakake.
- 3
- E Ihowa, te hunga kino nei, kia pehea ake te roa, te hunga kino nei, kia pehea ake te roa o to ratou whakamanamana?
- 4
- O te puakanga o a ratou kupu maro? o te whakaputa o nga kai mahi katoa i te kino?
- 5
- Mongamonga noa tou iwi i a ratou, e Ihowa: e tukinotia ana e ratou tou kāinga tupu.
- 6
- E patua ana e ratou te pouaru raua ko te manene: e kohuru ana i pani.
- 7
- A e mea ana, E kore a Ihowa e kite; e kore ano hoki e maharatia mai e te Atua o Hakopa.
- 8
- Kia matau ra, e nga tangata poauau o te iwi: ahea ano hoki koutou whai mahara ai, e te hunga kuare?
- 9
- Te kai whakato o te taringa e kore ranei ia e rongo? te kai hanga o te kanohi e kore ianei ia e kite?
- 10
- Te kai papaki o nga iwi e kore ianei ia e papaki? te kai whakaako i te tangata kia mohio e kore ianei ia e mohio?
- 11
- E matau ana a Ihowa ki nga whakaaro a te tangata: he mea teka noa.
- 12
- Ka hari te tangata e pakia ana e koe, e Ihowa: e whakaakona ana i roto i to ture;
- 13
- Kia marie ai tona ngakau i a koe i nga ra o te hē, a keria noatia iho te poke mo te tangata kino.
- 14
- E kore hoki a Ihowa e panga i tana iwi, e kore ano hoki e whakarerea e ia tona kāinga tupu.
- 15
- Engari e hoki mai te whakarite whakawa ki te tika: a e arumia e nga tangata ngakau tika katoa.
- 16
- Ko wai toku hei whakatika ake ki te hunga kino? ko wai toku hei tu i nga kai mahi i te hara?
- 17
- Me kaua a Ihowa hei awhina moku, kihai i aha kua noho kupu-kore toku wairua.
- 18
- I taku meatanga, Ka paheke toku waewae, na tau mahi tohu, e Ihowa, ahau i tautoko ake.
- 19
- I te tini o aku whakaaronga i roto i a au hei oranga ngakau moku au whakamarietanga.
- 20
- Tera ranei e huihuia ki a koe te torona o te kino: e whakatakoto nei i te mahi nanakia hei ture?
- 21
- E muia ana e ratou te wairua o te tangata tika, a e mea ana, kia heke te toto hara-kore.
- 22
- Ko Ihowa ia toku pa teko: ko toku Atua hoki hei kohatu piringa moku.
- 23
- A mana e whakahoki to ratou kino ki runga ki a ratou, e whakangaro hoki ratou i roto i o ratou kino: ma Ihowa, ma to tatou Atua ratou e whakangaro.
Address: 
Phone: 
Email: