- 1
- A i kitea ano e ahau i te taha ki matau o tera e noho ana i runga i te torona, he pukapuka kua oti te tuhituhi a roto a tua hoki, he mea hiri ki nga hiri e whitu.
- 2
- I kite ano ahau i tetahi anahera kaha e karanga ana, he nui te reo, Ko wai e tikangatia hei whakatuwhera i te pukapuka, hei wawahi i ona hiri?
- 3
- A kihai i taea e tetahi i te rangi, i te whenua, i raro i te whenua, te whewhera i te pukapuka, te titiro ki reira.
- 4
- Na, nui atu taku tangi, no te mea hoki kihai i kitea tetahi i tikangatia hei whewhera, hei korero i te pukapuka, te titiro iho ranei ki reira.
- 5
- Na, ka mea mai tetahi o nga kaumatua ki a au, Kaua e tangi, na, kua riro te wikitoria i te Raiona o te hapu o Hura, i te Putake o Rawiri, māna e whakatuwhera te pukapuka, e wawahi ona hiri e whitu.
- 6
- A i kite ano ahau, na, i waenganui o te torona, o nga mea ora hoki e wha, i waenganui ano hoki o nga kaumatua, he Reme e tu ana, te ahua kei to te mea i whakamatea, e whitu ona haona, e whitu nga kanohi, ko nga Wairua e whitu enei o teAtua, kua tonoa nei puta noa i te ao.
- 7
- Na, ka haere atu ia, ka tango i te pukapuka i roto i te ringaringa matau o tera e noho ana i runga i te torona.
- 8
- Ano ka tango ia i te pukapuka, ka hinga iho nga mea ora e wha, me nga kaumatua e rua tekau ma wha, ki te aroaro o te Reme, he hāpa ano hoki i tetahi i tetahi o ratou, me nga oko koura kī tonu i nga mea kakara, ko nga inoi ia a te hunga tapu.
- 9
- Na, ka waiata ratou i te waiata hou, ka mea, Pai tonu koe hei tango i te pukapuka, hei wahi i ona hiri: i whakamatea hoki koe, a hokona ana matou e koe hei hunga mo te Atua ki ou toto, i roto i nga hapu, i nga reo, i nga huihuinga tāngata, i nga iwi katoa;
- 10
- A meinga ana matou e koe hei kingi hei tohunga ki to matou Atua: ka kingi ano matou ki runga ki te whenua.
- 11
- A i kite atu ano ahau, i rangona hoki e ahau he reo no nga anahera tokomaha, i nga taha katoa o te torona, no nga mea ora hoki, no nga kaumatua ano hoki: na, te tokomaha o ratou ko nga mano tekau mano tekau, me nga mano mano;
- 12
- Nui atu to ratou reo ki te mea mai, Pai tonu te Reme i whakamatea hei tango i te kaha, i te taonga, i te matauranga, i te mana, i te honore, i te kororia, i te whakapai.
- 13
- A i rongo ano ahau ki nga mea hanga katoa o te rangi, o te whenua, i raro ano hoki i te whenua, ki era hoki i te moana, me nga mea katoa o reira, e mea ana, Waiho atu i tenei e noho nei i runga i te torona, i te Reme hoki, te whakapai, te honore, te kororia, te kaha, a ake ake ake.
- 14
- Na, ka mea mai nga mea ora e wha, Amine. A i hinga iho ano nga kaumatua e rua tekau ma wha, koropiko ana ratou ki tera e ora tonu ana, a ake ake ake.
Address: 
Phone: 
Email: