- 1
- I whakakitea mai ano e ia ki a au a Hohua te tino tohunga e tu ana i te aroaro o te anahera a Ihowa, me Hatana ano hoki e tu ana i tona ringa matau hei hoa riri mona.
- 2
- Na, ko te kianga atu a Ihowa ki a Hatana, Kia whakatupehupehu atu a Ihowa ki a koe, e Hatana, kia whakatupehupehu ano a Ihowa ki a koe, kua whiriwhiria nei hoki e ia a Hiruharama: he teka ianei he mounga tenei kua unuhia mai i roto i te ahi?
- 3
- Na, he kakahu paru o Hohua, i a ia i tu ra i te aroaro o te anahera.
- 4
- Na, ka oho mai ia, a ka mea ki te hunga e tu ana i tona aroaro; i mea ia, Tangohia nga kakahu paru i a ia. Katahi ia ka mea ki a ia, Titiro, kua whakapahemotia atu e ahau to he i runga i a koe, kua oti ano koe te whakakakahu e ahau ki tetahi kakahu ke.
- 5
- I mea ano ahau, Potaea he potae poke-kore ki tona māhunga. Na, potaea ana e ratou he potae poke-kore ki runga ki tona māhunga, a whakakakahuria ana ia e ratou, me te tu ano te anahera a Ihowa.
- 6
- Katahi te anahera a Ihowa ka kauwhau ki a Hohua, ka mea,
- 7
- Ko te kupu tenei a Ihowa o nga mano, Ki te haere koe i oku ara, ki te puritia e koe aku mea, ka whakarite whakawa ano koe mo toku whare, mau ano e tiaki oku marae, ka hoatu ano e ahau he haereerenga mau i roto i te hunga e tu nei.
- 8
- Tena ra, whakarongo, e Hohua, e te tino tohunga, koutou ko o hoa e noho na i to aroaro; he hunga hoki ratou e miharotia ana: no te mea, nana, ka kawea atu e ahau taku pononga te MANGA.
- 9
- No te mea, nana, te kohatu i whakatakotoria e ahau ki te aroaro o Hohua, e whitu nga kanohi i runga i te kohatu kotahi; tenei au te whaowhao nei i ona whakairo, e ai ta Ihowa o nga mano, ka riro ano hoki i a au te he o tenei whenua i te ra kotahi.
- 10
- I taua rangi, e ai ta Ihowa o nga mano, ka karangatia e koutou tona hoa, tona hoa, i raro i te waina, i raro ano i te piki.
Address: 
Phone: 
Email: