- 1
- E kore e uru ki roto ki te whakaminenga o Ihowa te tangata kua unakatia, kua romiromia, kua tapahia atu ranei tona mea ngaro.
- 2
- E kore e uru te poriro ki roto ki te whakaminenga o Ihowa; ahakoa tekau ona whakatupuranga, e kore e uru ki roto ki te whakaminenga o Ihowa.
- 3
- E kore e uru te Amoni, te Moapi ranei, ki roto ki te whakaminenga o Ihowa; ahakoa tekau o ratou whakatupuranga, e kore e uru ki roto ki te whakaminenga o Ihowa, ake, ake, ake:
- 4
- Mo ratou kihai i whakatau atu i a koutou, me te mau taro, me te mau wai ma koutou ki te ara, i to koutou putanga mai i Ihipa; mo ratou hoki i utu i a Paraama i te tama a Peoro i Petoro i Mehopotamia, hei mea i a koe, hei kanga hoki i a koe.
- 5
- Otiia kihai a Ihowa tou Atua i pai ki te whakarongo ki ta Paraama; a whakaputaina ketia ake e Ihowa e tou Atua te kanga hei manaakitanga mou; no te mea e aroha ana a Ihowa tou Atua ki a koe.
- 6
- Kei whai koe kia mau te rongo ki a ratou, kia kake ranei ratou i nga ra katoa e ora ai koe.
- 7
- Kaua e whakarihariha ki te Eromi; ko tou tuakana hoki ia; kaua e whakarihariha ki te Ihipiana; he manene hoki koe i tona whenua i mua.
- 8
- Kei te toru o nga whakatupuranga ka uru a ratou tamariki e whanau ai ki roto ki te whakaminenga o Ihowa.
- 9
- E haere atu te ope ki ou hoa riri, kia tupato i nga mea kino katoa.
- 10
- Ki te mea kei roto i a koe tetahi tangata kahore i ma i te paheketanga o te po, na, me haere atu ia ki waho o te puni; kei haere ia ki roto ki te puni:
- 11
- Otiia ka whakaahiahi, na me horoi ia e ia ki te wai, a ka toene te ra, na, ka haere ia ki roto ki te puni.
- 12
- Me waiho ano e koe tetahi wahi i waho o te puni, hei putanga atu mou ki waho:
- 13
- A me whai kaheru koe i roto i au mea; a ka noho toe ki waho, na, me keri e koe ki taua mea, a ka tahuri mai ki te tanu i te mea i puta mai i roto i a koe:
- 14
- E haereere ana hoki a Ihowa tou Atua i waenganui o tou puni, hei whakaora i a koe, hei homai ano hoki i ou hoa riri ki tou aroaro; mo reira kia tapu tou puni: kei kite ia i tetahi mea whakarihariha i roto i a koe, a ka tahuri atu i a koe.
- 15
- Kaua e tukua atu ki tona rangatira te pononga i tahuti mai i tona rangatira ki a koe:
- 16
- Me noho ia ki a koe i waenga ou, ki te wahi e whiriwhiri ai ia, ki tetahi o ou kuwaha, ki tana e pai ai: kaua ia e tukinotia.
- 17
- Kei waiho tetahi o nga tamahine a Iharaira hei wahine puremutanga, kei whakatangata o Horoma ano hoki tetahi o nga tamariki a Iharaira.
- 18
- Kei kawea e koe te utu o te wahine puremu, te utu ranei o te kuri, ki te whare o Ihowa o tou Atua, hei mea kupu taurangi: he mea whakarihariha hoki enei e rua ki a Ihowa ki tou Atua.
- 19
- Kei whakatarewa atu koe i tetahi mea ki tou teina; hei mea whakatuputupu i te moni whakatuputupu, i te kai whakatuputupu, i tetahi mea e whakatarewaina atu ana hei whakatuputupu:
- 20
- He tangata ke, whakatarewaina atu te moni whakatuputupu; ki tou teina ia kaua e whakatarewaina: kia manaakitia ai koe e Ihowa e tou Atua i nga mea katoa e totoro atu ai tou ringa i runga i te whenua, e haere atu nei koe ki reira tango ai.
- 21
- Ki te puaki to kupu taurangi ki a Ihowa ki tou Atua, kei whakaroa ki te whakamana; no te mea ka whaia mai taua mea e Ihowa e tou Atua ki a koe, a ka waiho hei hara mou.
- 22
- Ki te kahore ia e puaki tau kupu taurangi, e kore e waiho hei hara mou.
- 23
- E puta tetahi mea i ou ngutu, puritia, mahia; kia rite ano ki tau kupu taurangi ki a Ihowa ki tou Atua, hei whakahere tuku noa, hei pera ano me ta tou mangai i korero ai.
- 24
- E haere koe ki te mara waina a tou hoa, kainga nga karepe e pai ai koe, a, makona noa koe; kaua ia e kohia etahi ki tau oko.
- 25
- E haere koe ki te witi kihai i kotia a tou hoa, na, ma to ringa e kakato mai etahi hua; kaua ia he toronaihi e akina atu ki te witi kihai nei i kotia a tou hoa.
Address: 
Phone: 
Email: