- 1
- E kawe a Ihowa tou Atua i a koe ki te whenua e haere atu nei koe ki reira ki te tango, a ka peia atu e ia nga iwi maha i tou aroaro, nga Hiti, me nga Kirikahi, me nga Amori, me nga Kanaani, me nga Perihi, me nga Hiwi, me nga Iepuhi, nga iwi e whitu, e nui ana, e kaha ana i a koe.
- 2
- A ka tukua mai ratou e Ihowa e tou Atua ki tou aroaro; na, me patu ratou e koe, me whakamoti rawa ratou: kaua e whakaritea he kawenata ki a ratou, kaua hoki ratou e tohungia.
- 3
- Kaua hoki koe e marenatia ki a ratou; ko to tamahine kaua e tukua atu ma tana tamaiti, ko tana tamahine hoki kaua e tangohia mai ma to tamaiti.
- 4
- Ta te mea ka whakariroia ketia e ia to tamaiti, kei whai i a au, na, ka mahi ratou ki nga atua ke: a ka mura mai te riri a Ihowa ki a koutou, ka huna whakarere hoki i a koe.
- 5
- Engari me penei ta koutou whakahaere ki a ratou, ko a ratou aata, wahia, ko a ratou pou, pakarua, ko a ratou motu rakau hoki, tuakina, me a ratou whakapakoko, tahuna atu ki te ahi:
- 6
- No te mea hoki, he iwi tapu koe no Ihowa, no tou Atua: i whiriwhiria ai koe e Ihowa e tou Atua kia waiho ai hei iwi mona ake ano i nga iwi katoa i te mata o te whenua.
- 7
- Ehara i te nui no koutou i nga iwi katoa i mate-nui mai ai a Ihowa ki a koutou, i whiriwhiri ai i a koutou; he iti rawa hoki koutou i nga iwi katoa;
- 8
- Engari, na te aroha o Ihowa ki a koutou, nona hoki ka whakamana i te oati i oati ai ia ki o koutou mātua, i whakaputa mai ai a Ihowa i a koutou ki te ringa kaha, i hoko ai ano hoki i a koe i roto i te whare pononga, i te ringaringa hoki o Parao kingi o Ihipa.
- 9
- Na, kia mohio koe ki a Ihowa ki tou Atua, ko te Atua ia, ko te Atua pono, e pupuri ana i te kawenata, me te atawhai mo te hunga e aroha ana ki a ia, e pupuri ana i ana whakahaunga, a, mano noa nga whakatupuranga;
- 10
- A e hoatu ana ano e ia ki to ratou aroaro te utu mo te hunga e kino ana ki a ia, ara, he whakangaromanga mo ratou: e kore ia e whakaroa ki te tangata e kino ana ki a ia, ka hoatu ano e ia he utu ki tona aroaro.
- 11
- Ina, puritia e koe nga whakahaunga, me nga tikanga, me nga whakariteritenga e whakahau atu nei ahau ki a koe i tenei ra kia mahia.
- 12
- A tenei ake, ki te rongo koutou ki enei whakariteritenga, a ka puritia, ka mahia, na, ka whakamanā e Ihowa e tou Atua te kawenata ki a koe, me te atawhai i oati ai ia ki ou mātua.
- 13
- A ka aroha mai ia ki a koe, ka manaaki hoki i a koe, ka whakanui hoki i a koe, ka manaaki ano hoki i te hua o tou kopu, me te hua o tou oneone, i to witi, i to waina, me to hinu, i nga whanau o o kau, me nga kahui o o hipi, ki te whenua i oati ai ia ki ou matua kia hoatu ki a koe.
- 14
- Ka manaakitia koe nui atu i nga iwi katoa: e kore e pakoko te tane, te wahine ranei, i roto i a koe, i roto ranei i o kararehe.
- 15
- Ka tangohia atu ano hoki i a koe e Ihowa nga turorotanga katoatanga, e kore rawa hoki ia e whakapa ki a koe i tetahi o nga mate nanakia o Ihipa, i kite ra koe; engari ka whakapakia atu e ia ki o hoa riri katoa.
- 16
- A ka whakapaua atu e koe nga iwi katoa e hoatu nei e Ihowa e tou Atua ki a koe; kaua tou kanohi e tohu i a ratou: aua ano hoki koe e mahi atu ki o ratou atua; he rore hoki tena mou.
- 17
- Ki te mea koe i roto i tou ngakau, He nui nga iwi nei i a au; me pehea e taea ai ratou te pei e ahau?
- 18
- Kei wehi koe i a ratou, kia ata mahara koe ki nga mea i meatia e Ihowa e tou Atua ki a Parao, me Ihipa katoa hoki;
- 19
- Ki nga whakamatauranga nui i kite ra ou kanohi, ki nga tohu, me nga merekara, me to ringaringa kaha, me te tākakau maro, i tangohia mai ai koe e Ihowa e tou Atua: ka peratia e Ihowa e tou Atua nga iwi katoa e wehi nei koe i a ratou.
- 20
- A ka tukua atu ano hoki e Ihowa e tou Atua te horonete ki a ratou, kia moti ra ano nga mea i mahue, me nga mea i ngaro atu i ou kanohi.
- 21
- Kaua e wehi i a ratou: ta te mea, kei waenganui i a koe a Ihowa tou Atua; he Atua nui ia, e wehingia ana.
- 22
- A ka whakangaromia rikirikitia enei iwi e Ihowa e tou Atua i tou aroaro: e kore e ahei i a koe te huna wawe i a ratou, kei hira ake i a koe nga kirehe mohoao o te whenua.
- 23
- Otiia ka tukua atu ratou e Ihowa e tou Atua ki tou aroaro, a he nui te hunanga e hunā ai ratou e ia, kia ngaro ra ano ratou.
- 24
- A ka hoatu e ia o ratou kingi ki tou ringa, a ka whakangaromia atu e koe o ratou ingoa i raro iho o te rangi: e kore e tu tetahi tangata ki tou aroaro, kia ngaro ra ano ratou i a koe.
- 25
- Ko nga whakapakoko o o ratou atua me tahu e koutou ki te ahi: aua e minamina atu ki te hiriwa ki te koura ranei e mau ana ki aua mea, kaua hoki e tangohia mou, kei mahangatia koe e ena mea: he mea whakarihariha hoki ena mea ki a Ihowa ki tou Atua.
- 26
- Kaua hoki e maua e koe te mea whakarihariha ki roto ki tou whare; kei kangā koe, kei peratia me taua mea: engari kia tino whakarihariha atu koe, kia tino anuanu atu; he mea hoki kua oti te kanga.
Address: 
Phone: 
Email: