- 1
- Na, ka haere a Hakopa i tana huarahi, a ka tutaki mai ki a a ia nga anahera a te Atua.
- 2
- A ka mea a Hakopa i tona kitenga i a ratou, Ko te ope tenei a te Atua: na, huaina iho e ia te ingoa o tena wahi ko Mahanaima.
- 3
- Na, ka tono tangata atu a Hakopa ki mua i a ia ki a Ehau ki tona tuakana, ki te whenua o Heira, ki te whenua o Eroma.
- 4
- A ka ako ia ki a ratou, ka mea, Kia penei ta koutou kupu ki taku ariki ki Ehau; e penei ana te kupu a to pononga a Hakopa, I a Rapana ahau e noho ana i a au i roa atu nei, a mohoa noa nei:
- 5
- A he kau ano aku, he kaihe, he hipi, he pononga tane, he pononga wahine, a kua tono tangata nei ahau ki te korero ki taku ariki, kia manakohia mai ai ahau e koe.
- 6
- Na, ka hoki mai nga karere ki a Hakopa, a ka mea, i tae atu matou ki tou tuakana ki a Ehau, a tenei ano hoki ia te haere mai nei ki te whakatau i a koe, ratou tahi ko nga tangata e wha rau.
- 7
- Na, wehi noa iho a Hakopa, a manukanuka ana; na, ka wehea e ia ona tangata, me nga hipi, me nga kau, me nga kamera, kia rua nga ropu;
- 8
- I mea hoki ia, Ki te tae mai a Ehau ki te ropu tuatahi, a ka patua e ia, na, ka mawhiti, te ropu i mahue.
- 9
- Na, ka mea a Hakopa, E te Atua o toku papa o Aperahama, e te Atua o toku papa o Ihaka, e Ihowa, nau nei te kupu ki a au, Hoki atu ki tou whenua, ki ou whanaunga hoki, a ka pai taku mahi ki a koe:
- 10
- He iti rawa ahau he nui au arohatanga katoa, me te pono katoa hoki i whakaputaina mai e koe ki to pononga; i whiti hoki ahau me taku tokotoko i tenei Horano; a ka rua nei aku ropu.
- 11
- Tena ra, whakaorangia ahau i te ringaringa o taku tuakana, i te ringaringa o Ehau: e wehi ana hoki ahau i a ia, kei haere mai ia ki te patu i a au, i te whaea ratou ko nga tamariki.
- 12
- I mea mai nei hoki koe, Ina, ka pai taku mahi ki a koe, a ka meinga ano e ahau ou uri kia rite ki te onepu o te moana e kore nei e taea te tatau i te tini.
- 13
- A i moe ia ki reira i taua po; a ka tangohia mai ano e ia he hakari mo Ehau, mo tona tuakana i roto i nga mea i pono mai ki tona ringa;
- 14
- E rua rau nga koati uha, e rua tekau hoki nga koati toa, e rua rau nga hipi uha, a e rua tekau nga hipi toa,
- 15
- E toru tekau nga kamera whai waiu, me a ratou kuao, e wha tekau nga kau, kotahi tekau hoki nga puru, e rua tekau nga kaihe uha, me nga kuao hoki kotahi tekau.
- 16
- A ka homai e ia ki nga ringaringa o ana pononga, tenei kahui tenei kahui, motumotu rawa; a ka mea mai ia ki ana pononga, Haere atu i mua i a au kia whai takiwa ano hoki tetahi kahui tetahi kahui.
- 17
- A i ako ia i te tuatahi, i mea, E tutaki a Ehau taku tuakana ki a koe, a e ui ki a koe, e mea, Na wai koe? a e haere ana koe ki hea? na wai ano hoki enei i tou aroaro?
- 18
- Katahi koe ka mea atu, Na to pononga na Hakopa; i homai e ia hei hakari ma toku ariki ma Ehau: a tenei ano hoki ia kei muri i a matou.
- 19
- He pera hoki tana ako ki te tuarua, ki te tuatoru hoki, ki nga tangata katoa ano hoki i haere i muri i nga kahui, i mea ia, Ko te tikanga tenei mo nga kupu e korero ai koutou ki a Ehau, ina tutaki ki a ia.
- 20
- A me ki atu ano hoki e koutou, Tenei ano hoki to pononga a Hakopa kei muri i a matou. I mea hoki ia, Me whakamarie ia e ahau ki te hakari e haere ana i mua i a au, a, muri iho ka kite ahau i tona kanohi; tera pea ia e manako mai ki a au.
- 21
- Na, ka haere atu te hakari i mua i ia: a i moe ano ia i taua po i te puni.
- 22
- A i whakatika ia i taua po, i tango hoki i ana wahine tokorua, me ana pononga wahine tokorua, me ana tamariki tekau ma tahi, a ka whiti atu i te whitinga i Iapoko.
- 23
- A i tango ia i a ratou, i mea hoki kia whiti atu i te awa, a i mea ano ia kia whiti atu nga mea i a ia.
- 24
- A i mahue iho a Hakopa ko ia anake; a nonoke ana raua ko tetahi tangata, a takiri noa te ata.
- 25
- A te kitenga o tera kihai ia i taea e ia, na, ka pa atu ia ki te ateatenga o tona huha; a ka takoki te ateatenga o te huha o Hakopa i a raua e nonoke ana.
- 26
- A ka mea mai ia, Tukua ahau, kua takiri hoki te ata. A ka mea atu ia, E kore koe e tukua atu e ahau, kia manaakitia ra ano ahau e koe.
- 27
- A ka mea mai ia ki a ia, Ko wai tou ingoa? a ka mea atu ia, Ko Hakopa.
- 28
- A ka mea mai ia, Heoi ano kianga ko Hakopa tou ingoa, engari ko Iharaira: no te mea kua pera to tohe ki te Atua ki te tangata me ta te rangatira, a i a koe ano te mutunga.
- 29
- Na, ka ui atu a Hakopa, a ka mea atu, Tena koa, korerotia mai tou ingoa. Ano ra ko ia, Na te aha toku ingoa i uia ai e koe? a ka manaaki ia i a ia i reira.
- 30
- Na huaina ana e Hakopa te ingoa o tena wahi ko Peniere: moku i titiro atu ki te Atua he kanohi he kanohi, a kei te ora nei au.
- 31
- A i tara mai te ra ki a ia i a ia ka whiti i Penuere, a kei te totitoti tona huha.
- 32
- Koia nga tamariki a Iharaira tē kai ai i te uaua i memenge, i tera hoki i te ateatenga o te huha, a tae noa iho ki tenei ra: no te mea hoki i pa atu ia ki te ateatenga o te huha o Hakopa, ki te uaua i memenge.
Address: 
Phone: 
Email: