- 1
- Te poropititanga mo Moapa. Kua whakangaromia nei a Ara o Moapa i te po, kahore he reo; kua whakangaromia nei a Kiri o Moapa i te po, kahore he reo.
- 2
- Kua riro ki runga ki Paiti, ki Ripono, ki nga wahi tiketike tangi ai, ka auetia e Moapa a Nepo raua ko Merepa, he mea moremore katoa o ratou mahunga, tapahi rawa nga kumikumi katoa.
- 3
- O ratou whitiki i o ratou huarahi he kakahu taratara: ka aue ratou katoa i runga i o ratou whare, i o ratou waharoa ano hoki, nui atu te tangi.
- 4
- Ka hamama ano a Hehepona, raua ko Ereare: ka rangona mai to ratou reo i Iahata: no reira hamama ana nga mau patu a Moapa; kino iho ia ki te ora.
- 5
- E tangi ana toku ngakau ki a Moapa; rere ana ona whati ki Toara, kei te kau tau-toru te rite: he tangi nei hoki ta ratou i te pikitangi ki Ruhiti, i te mea e piki ana ratou i reira; i te huarahi hoki ki Horonaimi ka pa ta ratou karanga o te whakangaromanga.
- 6
- No te mea ka tangata-koretia nga wai o Nimirimi: kua maroke hoki te tarutaru, kua kore te otaota, kahore he mea e tupu ana.
- 7
- Na, a ratou mea maha, me a ratou mea i te rongoa, ka kawea atu e ratou ki te awa i nga wirou.
- 8
- No te mea kua taiawhiotia nga rohe o Moapa e te karanga; tae tonu atu tona aue ki Ekeraima, tona aue ki Peere-rimi.
- 9
- Ka ki hoki nga wai o Rimono i te toto; tera atu hoki taku e whakapa atu ai ki Rimono, ko nga raiona ki nga oranga o Moapa, ki nga morehu ano o te whenua.
Address: 
Phone: 
Email: