- 1
- Na, ka huihui te whakaminenga katoa o nga tamariki a Iharaira ki Hiro, a whakaturia ana e ratou ki reira te tapenakara o te whakaminenga. I taea hoki te whenua e ratou.
- 2
- Na, e whitu nga iwi i mahue o nga tamariki a Iharaira, kahore nei i riro mai to ratou kāinga tupu i a ratou.
- 3
- Katahi ka mea mai a Hohua ki nga tamariki a Iharaira, Kia pehea ake te roa o to koutou nei mangere ki te haere ki te tango i te whenua kua hoatu ki a koutou e Ihowa e te Atua o o koutou matua?
- 4
- Homai etahi tangata i roto i a koutou, kia tokotoru i roto i tenei iwi i tenei iwi: a ka tonoa ratou e ahau, a ka whakatika ratou haereere ai i te whenua, me tuhituhi ano hoki e ratou kia rite ki o ratou wahi; ka haere mai ai ki a au.
- 5
- Me wehe hoki e ratou kia whitu nga wahi: me noho a Hura ki tona wahi ki te taha ki te tonga, me noho ano hoki te whare o Hohepa ki tona wahi ki te taha ki te nota.
- 6
- Na, ka tuhituhia e koutou te whenua kia whitu nga wahi, ka kawe mai ai i te pukapuka ki a au ki konei, a maku e maka a koutou rota ki konei ki te aroaro o Ihowa o to koutou Atua.
- 7
- Otiia kahore he wahi mo nga Riwaiti i roto i a koutou; ko te mahi tohunga hoki ki a Ihowa te wahi mo ratou: ko Kara hoki, ratou ko Reupena, ko tetahi taanga o te iwi o Manahe, kua whiwhi ratou ki to ratou wahi ki tera taha o Horano, ki te taha ki te rawhiti, ki ta Mohi ki ta te pononga a Ihowa i hoatu ai ki a ratou.
- 8
- Na, ka whakatika aua tangata, a ka haere: a i whakahau ano a Hohua i te hunga i haere ki te tuhituhi i te whenua, i mea, Turia atu, haereerea hoki te whenua, tuhituhia hoki, ka hoki mai ai ki a au, a maku e maka a koutou rota ki konei ki te aroaro o Ihowa ki Hiro.
- 9
- Na ka turia atu e aua tangata, a ka haere, a, puta noa i te whenua, a tuhituhia iho e ratou ki te pukapuka, e whitu nga wahi, he mea whakaaro ki nga pa, a haere mai ana ki a Hohua ki te puni ki Hiro.
- 10
- A na Hohua i maka a ratou rota i Hiro i te aroaro o Ihowa: na ka wehea e Hohua te whenua i reira mo nga tamariki a Iharaira, he mea whakarite tonu ki nga wahi i wehea mo ratou.
- 11
- A, te tikanga atu o te rota o te iwi o nga tamariki a Peniamine rite tonu ki o ratou hapu: a i haere te rohe o to ratou wahi i te takiwa o to nga tamariki a Hura, o to nga tamariki a Hohepa.
- 12
- A kei Horano to ratou rohe ki te taha ki te nota; na ka haere te rohe ki runga ki te taha o Heriko, ki te taha ki te nota, a haere ana whakarunga na nga maunga ki te taha ki te hauauru; a puta tonu atu i te koraha o Pete-awene.
- 13
- A i tika atu te rohe i reira ki Rutu ki te taha o Rutu, ara, ki Pete-ere ki te taha ki te tonga; na ka anga whakararo te rohe ki Ataroto-arara, tata tonu ki te pukepuke e tu ana i te taha ki te tonga o to raro Pete-horono.
- 14
- Na ka whakatakotoria atu te rohe, a ka awhio haere whaka-te-taha o te moana, whaka-te-taha ki te tonga, ki te taha hoki ki te tonga o te pukepuke e tu ana i te ritenga atu o Pete-horono; a puta tonu atu ki Kiriata-paara, ara ki Kiriata-tearimi, he pa hoki ia no nga tamariki a Hura: ko te taha tenei ki te hauauru.
- 15
- A kei te pito o Kiriata-tearimi te taha ki te tonga, a i puta atu te rohe ki te taha ki te hauauru, a puta tonu atu ki te puna wai i Nepetoa:
- 16
- A i anga whakararo te rohe ki te pito o te maunga e tu ana i mua i te raorao o te tama a Hinomo, ki tera i te taha ki te nota o Raorao Repaima, na ka heke ki Raorao Hinomo, ki te taha o Iepuhi ki te tonga, a ka heke ki Enerokere,
- 17
- Na ka whakatakotoria atu i te nota, a ka puta atu ki Ene-hemehe, na ka puta atu ki Keriroto, ki tera i te ritenga atu o te haerenga ki runga ki Arumine, a heke noa ki te kohatu a Pohana a te tama a Reupena,
- 18
- Na haere tonu ki te taha ki te nota ki te ritenga atu o Arapa, a heke tonu atu ki Arapa:
- 19
- Na ka haere tonu te rohe ki te taha ki te nota o Pete-hokora: a pakaru rawa atu te rohe kei te matamata whaka-te-nota o te moana tote kei te pito ki te tonga o Horano: ko te rohe tenei ki te tonga.
- 20
- A ko Horano tona rohe i te taha ki te rawhiti. Ko te kāinga tupu tenei o nga tamariki a Peniamine, nga rohe hoki o reira, a tawhio noa, he mea whakarite ki o ratou hapu.
- 21
- Na, nga pa o te iwi o nga tamariki a Peniamine o tenei hapu o tenei hapu o ratou, ko Heriko, ko Pete-hokora, me Raorao Ketiti,
- 22
- Ko Pete-arapa, ko Temaraima, ko Pete-ere,
- 23
- Ko Awimi, ko Paraha, ko Opora,
- 24
- Ko Kepara-hamonai, ko Oponi, ko Kapa; tekau ma rua nga pa me nga kāinga koraha o aua pa:
- 25
- Ko Kipeono, ko Rama, ko Peeroto,
- 26
- Ko Mitipe, ko Kepira, ko Motaha,
- 27
- Ko Rekeme, ko Iripeere, ko Tarara,
- 28
- Ko Heraha, ko Erepe, ko Iepuhi, ara, ko Hiruharama, ko Kipeata, ko Kiriata; kotahi tekau ma wha nga pa me o ratou kāinga koraha. Ko te kāinga tupu tenei o nga tamariki a Peniamine, o tenei hapu o tenei hapu o ratou.
Address: 
Phone: 
Email: