- 1
- A, te putanga ake o te rua o nga rota ko ta Himeona, ta te iwi hoki o nga tamariki a Himeona, puta noa i o ratou hapu: a i roto to ratou wahi i te wahi o nga tamariki a Hura.
- 2
- No o ratou kāinga tupu hoki a Peere-hepa, a Hepa, a Morara,
- 3
- A Hatara-huara, a Para, a Ateme,
- 4
- A Eretorara, a Peturu, a Horema,
- 5
- A Tikiraka, a Pete-maraka-poto, a Hatara-huha,
- 6
- A Pete-repaoto, a Haruhene; kotahi tekau ma toru nga pa, me o ratou kāinga koraha:
- 7
- A Aina, a Rimono, a Etere, a Ahana; e wha nga pa me o ratou kāinga koraha:
- 8
- Me nga kāinga koraha katoa o enei pa, a tawhio noa, a tae noa ki Paarata-peere, ki Ramata ki te tonga. Ko te wahi tupu tenei o te iwi o nga tamariki a Himeona, puta noa i o ratou hapu.
- 9
- No roto i te wahi o nga tamariki a Hura te wahi o nga tamariki a Himeona: he nui rawa hoki te wahi o nga tamariki a Hura: no reira i riro ai te wahi mo nga tamariki a Himeona i roto i to ratou wahi.
- 10
- A te putanga ake o te toru o nga rota, ko ta nga tamariki a Hepuruna, puta noa i o ratou hapu: a tutuki noa te rohe o to ratou wahi ki Hariri:
- 11
- A i haere whakarunga ta ratou rohe ki te moana, na, kei Marara, i tae hoki ki Rapahete; i tae ano hoki ki te awa i mua i Iokoneama;
- 12
- Na ka anga atu i Hariri whaka-te-rawhiti ki te putanga mai o te ra, ki te rohe o Kihiroto-taporo, a ka puta atu ki Taperata, a haere tonu atu ki runga ki Iapia,
- 13
- Na ka haere atu i reira i te taha ki te rawhiti ki Kita-hewhere, ki Ita-katini, a puta tonu atu ki Rimono-metoara ki Neaha;
- 14
- Na ka taiawhiotia e te rohe i te taha ki te nota, a tae noa ki Hanatono: a pakaru rawa atu kei Raorao Ipitaere:
- 15
- Me Katata hoki, me Naharara, me Himirono, me Irara, me Pete-rehema: tekau ma rua nga pa me o ratou kāinga koraha.
- 16
- Ko te wahi tupu tenei o nga tamariki a Hepuruna puta noa i o ratou hapu, ko enei pa, me nga kāinga koraha o aua pa.
- 17
- A, te putanga ake o te wha o nga rota, ko ta Ihakara, ko ta nga tamariki a Ihakara puta noa i o ratou hapu.
- 18
- A kei Ietereere te rohe ki a ratou, na, ko Kehuroto, ko Huneme,
- 19
- Ko Haparaima, ko Hihono, ko Anaharata,
- 20
- Ko Rapiti, ko Kihiono, ko Apete,
- 21
- Ko Remete, ko Ene-kanimi, ko Ene-haraha, ko Pete-patete;
- 22
- A i puta atu te rohe ki Taporo, ki Hahatima, ki Pete-hemehe; a pakaru tonu atu ta ratou rohe ki Horano: kotahi tekau ma ono nga pa me o ratou kāinga koraha.
- 23
- Ko te wahi tupu tenei o te iwi o nga tamariki a Ihakara, puta noa i ratou hapu, ko nga pa me nga kāinga koraha o aua pa.
- 24
- A, te putanga ake o te rima o nga rota, ko ta te iwi o nga tamariki a Ahera puta noa i o ratou hapu.
- 25
- A, ta ratou rohe, ko Herekata, ko Hari, ko Petene, ko Akahapa,
- 26
- Ko Aramereke, ko Amara, ko Miheara; a tutuki noa ki Karamere ki te taha ki te hauauru, ki Hihoro-ripinata ano hoki;
- 27
- Na ka anga ki te rawhiti ki Pete-rakono, a tutuki noa ki Hepuruna, ki Raorao Ipita-ere ano hoki ki te taha ki te nota o Pete-emeke, o Neire, a puta noa ki Kapuru ki te taha ki maui,
- 28
- Ko Heperono hoki, ko Rehopo, ko Hamono, ko Kanaha, a tae noa ki Hirona nui;
- 29
- Katahi ka anga te rohe ki Rama, ki Taira hoki ki te pa kaha; na ka anga te rohe ki Hoha, a kei te moana ona putanga atu, kei nga wahi o Akatipi.
- 30
- Ko Umaha ano hoki, ko Apeke, ko Rehopo: e rua tekau nga pa me o ratou kāinga koraha.
- 31
- Ko te kāinga tupu tenei o te iwi o nga tamariki a Ahera, puta noa i o ratou hapu, ko enei pa me nga kāinga koraha o aua pa.
- 32
- Te putanga ake o te ono o nga rota, ko ta nga tamariki a Napatari, mo nga tamariki a Napatari puta noa i o ratou hapu.
- 33
- A i anga atu ta ratou rohe i Herepe, i Arono ki Taananimi, ki Arami, ki Nekepe, ki Iapaneere, tae noa ki Rakumu; a pakaru rawa atu kei Horano:
- 34
- Katahi ka anga te rohe ki te taha ki te hauauru ki Atanoto-taporo, a haere tonu atu i reira ki Hukoko, na, i te taha ki te tonga ka tutuki atu ki ta Hepuruna, a i te taha ki te hauauru ka tutuki atu ki ta Ahera, a i te taha ki te rawhiti ki Hura, ara, ki tera i Horano.
- 35
- A ko nga pa taiepa ko Tirimi, ko Tere, ko Hamata, ko Rakata, ko Kinereta.
- 36
- Ko Aramaha, ko Rama, ko Hatoro,
- 37
- Ko Kerehe, ko Eterei, ko Enehatoro,
- 38
- Ko Iaono, ko Mikitara-ere, ko Horeme, ko Pete-anata, ko Pete-hemehe; kotahi tekau ma iwa nga pa me nga kāinga koraha o aua pa.
- 39
- Ko te kāinga tupu tenei o te iwi o nga tamariki a Napatari puta noa i o ratou hapu, ko nga pa me o ratou kāinga koraha.
- 40
- A, te putanga ake o te whitu o nga rota, ko ta te iwi o nga tamariki a Rana, puta noa i o ratou hapu.
- 41
- A kei Toraha te rohe o to ratou wahi, kei Ehetaoro, kei Iri-hememehe,
- 42
- Kei Haarapini, kei Atarono, kei Ietera,
- 43
- Kei Erono, kei Timinata, kei Ekerono,
- 44
- Kei Eretekehe, kei Kipetono, kei Paarata,
- 45
- Kei Iehuru, kei Pene-peraka, kei Kata-rimono,
- 46
- Kei Me-iarakono, kei Rakono, me te rohe ano hoki i mua i Iapo.
- 47
- A he iti te wahi i puta ake mo nga tamariki a Rana: na ka haere nga tamariki a Rana ki runga ki te whawhai ki Reheme, a ka riro mai a reira i a ratou, a patua iho a reira ki te mata o te hoari: na ka tangohia a reira e ratou, a nohoia iho, a huaina iho a Reheme e ratou ko Rana, ko te ingoa ia o to ratou papa o Rana.
- 48
- Ko te wahi tenei o te iwi o nga tamariki a Rana o tenei hapu o tenei hapu o ratou, ko nga pa enei me o ratou kāinga koraha.
- 49
- Ka mutu ta ratou whakarite i te whenua hei kāinga tupu, i tenei rohe i tenei rohe, na ka hoatu e nga tamariki a Iharaira he kāinga mo Hohua tama a Nunu i roto i a ratou:
- 50
- I homai e ratou ki a ia ta Ihowa i ki ai te pa i tonoa e ia, a Timinata-he-raha i Maunga Eperaima: na ka hangā e ia te pa, a noho ana i reira.
- 51
- Ko nga kāinga enei, i tuwhaina e Ereatara tohunga, ratou ko Hohua tama a Nunu, ko nga upoko o nga matua o nga iwi o nga tamariki a Iharaira, he mea mea ki te rota i Hiro i te aroaro o Ihowa, i te whatitoka o te tapenakara o te whakaminenga. Heoi ka mutu ta ratou wehe i te whenua.
Address: 
Phone: 
Email: