- 1
- Na ka whakatata mai nga upoko o nga matua o nga Riwaiti ki a Ereatara tohunga, ki a Hohua hoki tama a Nunu, ratou ko nga upoko o nga matua o nga iwi o nga tamariki a Iharaira;
- 2
- A ka korero ki a ratou i Hiro i te whenua o Kanaana, ka mea, I whakahau mai a Ihowa, he mea whakapuaki mai na Mohi, kia homai ki a matou etahi pa hei nohoanga, me nga wahi o waho ake o aua pa, mo a matou kararehe.
- 3
- Katahi ka homai enei pa me nga wahi o waho ake e nga tamariki a Iharaira i roto i to ratou wahi ki nga Riwaiti, ko ta Ihowa hoki ia i ki ai.
- 4
- A, te putanga ake o te rota, ko ta nga hapu o nga Kohati: a kotahi tekau ma toru nga pa, he mea whakarite na te rota, no roto i o te iwi o Hura, no roto hoki i o te iwi o Himeona, no roto ano hoki i o te iwi o Peniamine, i riro mai i nga tamariki a Arona a te tohunga; no nga Riwaiti hoki ratou.
- 5
- A kotahi tekau nga pa, no roto i o nga hapu o te iwi o Eperaima, no roto hoki i o te iwi o Rana, no roto ano hoki i o tetahi taanga o te iwi o Manahe, he mea whakarite na te rota, i riro mai i era atu o nga tamariki a Kohata.
- 6
- A kotahi tekau ma toru nga pa, no roto i o nga hapu o te iwi o Ihakara, no roto hoki i o te iwi o Ahera, no roto ano hoki i o te iwi o Napatari, no roto ano hoki i o tetahi taanga o te iwi o Manahe i Pahana, i riro mai i nga tamariki a Kerehona, he mea whakarite na te rota.
- 7
- A kotahi tekau ma rua nga pa, no roto i o te iwi o Reupena, no roto hoki i o te iwi o Kara, no roto ano hoki i o te iwi o Hepuruna i riro mai i nga tamariki a Merari, i tenei hapu i tenei hapu o ratou.
- 8
- Na ka homai enei pa, me nga wahi o waho ake, e nga tamariki a Iharaira ki nga Riwaiti he mea whakarite na te rota; i pera ano me ta Ihowa whakahaunga i whakapuakina e Mohi.
- 9
- I hoatu hoki e ratou enei pa ka whakahuatia nei nga ingoa, i roto i o te iwi o nga tamariki a Hura, i roto hoki i o te iwi o nga tamariki a Himeona;
- 10
- Riro tonu atu i nga tamariki a Arona; ara, i nga hapu o nga Kohati, i nga tamariki hoki a Riwai: na ratou hoki te rota tuatahi.
- 11
- I homai ano ki a ratou te pa o Arapa o te papa o Anaka, ara, a Heperona, i te whenua pukepuke o Hura, me ona wahi o waho ake, a, tawhio noa.
- 12
- Ko nga mara ia o te pa, me nga kāinga koraha i hoatu e ratou ki a Karepe tama a Iepune hei kāinga tupu mona.
- 13
- Na hoatu ana e ratou ki nga tama a te tohunga a Arona a Heperona me ona wahi o waho ake, hei pa rerenga atu ma te tangata whakamate; a Ripina hoki, me ona wahi o waho ake,
- 14
- A Iatiri hoki me ona wahi o waho ake, a Ehetemoa me ona wahi o waho ake,
- 15
- A Horano me ona wahi o waho ake, a Tepiri me ona wahi o waho ake,
- 16
- A Aina hoki me ona wahi o waho ake, a Iuta me ona wahi o waho ake, a Pete-hemehe me ona wahi o waho ake; e iwa nga pa i roto i o enei iwi e rua.
- 17
- A no o te iwi o Peniamine, ko Kipeono me ona wahi o waho ake, ko Kepa me ona wahi o waho ake,
- 18
- Ko Anatoto me ona wahi o waho ake, ko Aramono me ona wahi o waho ake; e wha nga pa.
- 19
- Kotahi tekau ma toru nga pa katoa, me nga wahi o waho ake, o nga tohunga o nga tamariki a Arona.
- 20
- A ko nga hapu o nga tamariki a Kohata, ara, nga Riwaiti i mahue o nga tamariki a Kohata, no to te iwi o Eperaima nga pa o to ratou wahi.
- 21
- I homai hoki e ratou a Hekeme i Maunga Eperaima ki a ratou, me ona wahi o waho ake, hei pa rerenga atu mo te tangata whakamate; a Ketere hoki me ona wahi o waho ake,
- 22
- A Kipitaima me ona wahi o waho ake, a Pete-horono me ona wahi o waho ake; e wha nga pa.
- 23
- A Eretekeha i roto i to te iwi o Rana, me ona wahi o waho ake, a Kipetono me ona wahi o waho ake,
- 24
- A Atarono me ona wahi o waho ake, a Kata-rimono me ona wahi o waho ake; e wha nga pa.
- 25
- A Tanaka hoki me ona wahi o waho ake, i roto i to tetahi taanga o te iwi o Manahe, a Kata-rimono hoki me ona wahi o waho ake; e rua nga pa.
- 26
- Kotahi tekau nga pa katoa me nga wahi o waho ake mo nga hapu o nga tamariki a Kohata i mahue.
- 27
- Na, nga tamariki a Kerehona o nga hapu o nga Riwaiti, no roto o ratou i o tera taanga o te iwi o Manahe, ko Korana i Pahana me ona wahi o waho ake, hei pa rerenga atu mo te tangata whakamate; ko Pehetera me ona wahi o waho ake; e rua nga pa.
- 28
- Ko Kihiono i roto i to te iwi o Ihakara, me ona wahi o waho ake, ko Tapare, me ona wahi o waho ake.
- 29
- Ko Iaramutu me ona wahi o waho ake, ko Ene-kanimi me ona wahi o waho ake; e wha nga pa.
- 30
- Ko Mihara i roto i to te iwi o Ahera, me ona wahi o waho ake, ko Aparono me ona wahi o waho ake,
- 31
- Ko Herekata me ona wahi o waho ake, ko Rehopo me ona wahi o waho ake; e wha nga pa.
- 32
- Ko Kerehe hoki i Kariri i roto i to te iwi o Napatari, me ona wahi o waho ake, hei pa rerenga atu mo te tangata whakamate; ko Hamoto-roro me ona wahi o waho ake, ko Karatana me ona wahi o waho ake; e toru nga pa.
- 33
- Nga pa katoa o nga Kerehoni o tenei hapu o tenei hapu o ratou, kotahi tekau ma toru nga pa me nga wahi o waho ake.
- 34
- Na, nga hapu o nga tamariki a Merari, ara, era atu o nga Riwaiti, no roto o ratou i o te iwi o Hepuruna, ko Iokoneama me ona wahi o waho ake, ko Karata me ona wahi o waho ake,
- 35
- Ko Rimina me ona wahi o waho ake, ko Naharara me ona wahi o waho ake; e wha nga pa.
- 36
- A, o roto o to te iwi o Reupena, ko Petere me ona wahi o waho ake, ko Iahata me ona wahi o waho ake,
- 37
- Ko Keremoto me ona wahi o waho ake, ko Mewhaata me ona wahi o waho ake; e wha nga pa.
- 38
- A, o roto o to te iwi o Kara, ko Ramoto i Kireara me ona wahi o waho ake, hei pa rerenga atu mo te tangata whakamate; ko Mahanaimi me ona wahi o waho ake,
- 39
- Ko Hehepona me ona wahi o waho ake, ko Iatere me ona wahi o waho ake; e wha katoa nga pa.
- 40
- Na, nga pa katoa mo nga tamariki a Merari mo tenei hapu mo tenei hapu o ratou, ara, mo era atu o nga hapu o nga Riwaiti, kotahi tekau ma rua nga pa, he mea whakarite na ta ratou rota.
- 41
- Ko nga pa katoa o nga Riwaiti i roto i te wahi o nga tamariki a Iharaira, e wha tekau ma waru nga pa me nga wahi hoki o waho ake.
- 42
- I riro enei pa me nga wahi o waho ake o tenei o tenei, a tawhio noa: i penei tonu enei pa katoa.
- 43
- Na, kua homai e Ihowa ki a Iharaira te whenua katoa i oati ai ia kia homai ki o ratou matua; a ka riro mai a reira i a ratou, a nohoia ana e ratou.
- 44
- Na ka meinga ratou e Ihowa kia whai okiokinga, a, tawhio noa; i pera tonu ia me ana oati katoa ki o ratou matua: kihai ano hoki i tu i to ratou aroaro tetahi o o ratou hoa riri katoa; i homai katoa mai o ratou hoa riri e Ihowa ki o ratou ringaringa.
- 45
- Kihai i taka tetahi kupu o nga kupu pai katoa i korerotia e Ihowa ki te whare o Iharaira; i mana katoa.
Address: 
Phone: 
Email: