- 1
- Kia tupato kei atawhai koutou i te rawa-kore i te aroaro o nga tāngata, hei tirohanga ma ratou: penei kahore he utu ki a koutou a to koutou Matua i te rangi.
- 2
- Na, ka atawhai koe i te rawa-kore, aua e whakatangihia tētere i mua i a koe, kei pera me te hunga tinihanga i roto i nga whare karakia, i nga ara ano hoki, kia kororiatia ai ratou e nga tāngata. Hepono taku e mea atu nei ki a koutou, Ka riro to ratou utu i a ratou.
- 3
- Erangi ka atawhaitia e koe te rawa-kore, kei mohio tou ringa maui ki ta tou ringa matau e mea ai;
- 4
- Kia ngaro ai tau atawhainga rawa-kore: a ko tou Matua e kite nei i te wahi ngaro, māna koe e utu nui.
- 5
- A ka inoi koe, kaua e pera me te hunga tinihanga: ko ta ratou hoki e pai ai ko te inoi tu i roto i nga whare karakia, i nga kokinga o nga huarahi, kia kitea ai ratou e nga tāngata. He pono taku e mea nei ki a koutou, Ka riro to ratou utu i a ratou.
- 6
- Na, ka inoi koe, tomo atu ki tou ruma i roto rawa, ano ka kati tou tatau, inoi atu ki tou Matua i te wahi ngaro; a ko tou Matua e kite nei i te wahi ngaro, māna koe e utu nui.
- 7
- Na, ka inoi koutou, aua e whakahuatia noatia ko aua kupu ano, kei pera me nga tauiwi: ki ta ratou hoki ma nga kupu maha e whakarangona ai ratou.
- 8
- Na, kei rite koutou ki a ratou: e mātau ana hoki to koutou Matua ki nga mea e matea ana e koutou, i te mea kiano koutou i inoi noa ki a ia.
- 9
- Na, kia penei ta koutou inoinga: E to matou Matua i te rangi, Kia tapu tou ingoa.
- 10
- Kia tae mai tou rangatiratanga. Kia meatia tau e pai ai ki runga ki te whenua, kia rite ano ki to te rangi.
- 11
- Homai ki a matou aianei he taro ma matou mo tenei ra.
- 12
- Murua o matou hara, me matou hoki e muru nei i o te hunga e hara ana ki a matou.
- 13
- Aua hoki matou e kawea kia whakawaia; engari whakaorangia matou i te kino: Nou hoki te rangatiratanga, te kaha, me te kororia, ake ake ake. Amine.
- 14
- Ki te whakarerea noatia iho hoki e koutou nga he a nga tāngata, ka whakarerea noatia iho ano hoki a koutou e to koutou Matua i te rangi.
- 15
- A ki te kore e whakarerea noatia iho e koutou nga he a nga tāngata, e kore ano hoki e whakarerea noatia iho a koutou he e to koutou Matua.
- 16
- A ka noho puku koutou, kei rite ki te hunga tinihanga, kaua e whakapoururu te kanohi; e whakaahua ke ana hoki ratou i o ratou kanohi, kia kitea ai e nga tāngata e noho puku ana ratou. He pono taku e mea atu nei ki a koutou, Ka riro to ratou utu i a ratou.
- 17
- Engari ka noho puku koe, kaukauria tou upoko, horoia hoki tou kanohi;
- 18
- Kei kitea koe e nga tāngata e noho puku ana, erangi e tou Matua i te wahi ngaro; a ko tou Matua e kite nei i te wahi ngaro, māna koe e utu nui.
- 19
- Kaua e purangatia he taonga ma koutou ki te whenua, ki te wahi e whakakinongia ana e te huhu, e te waikura, ki te wahi hoki e keri mai ai nga tahae, tahae ai.
- 20
- Erangi purangatia ma koutou he taonga ki te rangi, ki te wahi e kore ai e whakakino te huhu, te waikura, ki te wahi hoki e kore ai e keri nga tahae, tahae ai:
- 21
- Ko te wahi hoki i o koutou taonga, ko reira ano hoki o koutou ngakau.
- 22
- Ko te kanohi te rama o te tinana: na, ki te atea tou kanohi, e mārama katoa tou tinana.
- 23
- Tena ki te kino tou kanohi, ka pouri katoa tou tinana. Na, ki te pouri te māramatanga i roto i a koe, ano te nui o tena pouri!
- 24
- Kahore he tangata e pono te mahi ki nga rangatira tokorua: ka kino hoki ki tetahi, ka aroha ki tetahi, ka u ranei ki tetahi, a ka whakaha wea ki tetahi. E kore e pono i a koutou te mahi ki te Atua, ki te taonga.
- 25
- Koia ahau ka mea atu nei ki a koutou, Kaua e manukanuka ki to koutou oranga, ki ta koutou e kai ai, ki ta koutou e inu ai; ki o koutou tinana ranei, ki ta koutou e kakahu ai. Ehara oti te oranga i te rahi atu i te kai, me te tinana i te kakahu?
- 26
- Tirohia nga manu o te rangi: e kore hoki e rui, e kore ano hoki e kokoti, e kohikohi ranei ki roto ki nga whare witi; heoi e whangainga, ana ratou e to koutou Matua i te rangi. Ehara oti koutou i te mea pai ake i a ratou?
- 27
- Ko wai o koutou e taea e ia te whakaaro iho te hono atu tetahi wahi ki tona roa, kia kotahi te whatianga?
- 28
- A he aha koutou i manukanuka ai ki te kakahu? Maharatia nga rengarenga o te whenua, te tupu; e kore nei e mahi, e kore nei ano hoki e miro:
- 29
- Na, ko taku kupu tenei ki a koutou, Kihai a Horomona, me tona kororia katoa, i rite ki tetahi o enei te whai kakahu.
- 30
- Ha, ki te penei ta te Atua whakakakahu ranga i te tarutaru o te whenua, e whakatarutaru nei inaianei, a apopo ka makā ki roto ki te oumu, e kore ianei tāna i a koutou e rahi ake, e te hunga whakapono iti?
- 31
- Na, kaua ra e manukanuka, e mea, He aha ta tatou e kai ai? He aha ta tatou e inu ai? Me whakakakahu tatou ki te aha?
- 32
- (Ko enei mea katoa nei hoki ta nga tauiwi e rapu ai:) e mātau ana hoki to koutou Matua i te rangi e matea ana e koutou enei mea katoa.
- 33
- Engari mātua rapua te rangatiratanga o te Atua, me ana mea tika; a ka tapiritia mai enei mea katoa ma koutou.
- 34
- Na, kaua ra e manukanuka ki o apopo: ma apopo hoki e manukanuka āna mea ake. Kāti ano, i tona rangi ano ko te kino ona ake ano.
Address: 
Phone: 
Email: